ایران میں جنگ کے دوران ایک سبزی فروش نے انسانیت کی خدمت کی مثال قائم کردی۔
سماجی رابطے کی ویب سائٹ ایکس پر ایک تصویر وائرل ہورہی ہے، جس میں ایک ایرانی شخص گاڑی پر آلو رکھ کر فروخت کررہا ہے، اس کی گاڑی پر ایک سادہ سا بورڈ لگا ہوا ہے جس پر لکھا ہے کہ ’جنگ کی حالت میں، ضرورت مندوں کے لیے آلو مفت ہیں‘۔
یہ پیغام سوشل میڈیا پر بہت تیزی سے پھیل گیا اور لوگوں نے اسے ایرانی معاشرے کی ہمدردی اور یکجہتی کی علامت قرار دیا، جبکہ سبزی فروش کے اس اقدام کو بھی خوب سراہا جارہا ہے۔
اسرائیل کا تہران میں آئل ڈپو پرحملہ ، تیل بہنے سے سڑکوں پر آگ کی ندی بہنے لگی
سوشل میڈیا پلیٹ فارم ایکس پر ایک ویڈیو شیئر کی گئی، جس میں شہر کی ایک سڑک کے کنارے آگ کے شعلے مسلسل بھڑکتے ہوئے دکھائی دے رہے ہیں۔
خیال رہے کہ ایران میں حالیہ برسوں میں مہنگائی اور معاشی دباؤ کے باعث بنیادی غذائی اشیاء بھی مہنگی ہو چکی ہیں، حتیٰ کہ بعض لوگوں کے لیے آلو جیسی سستی سبزی بھی خریدنا مشکل ہو گیا ہے۔
ایران میں اس سے پہلے بھی عوامی سطح پر مدد کے اقدامات دیکھے گئے ہیں، جیسے ’دیوار مہربانی‘ جہاں لوگ ضرورت مندوں کے لیے کپڑے اور سامان چھوڑ دیتے ہیں۔
Post time 2026-3-8 22:49:54
فوٹو: ایکس 
