ایرانی وزیر خارجہ عباس عراقچی کا کہنا ہے کہ اپنے دفاع میں امریکی فوجی اڈوں پر حملے جائز اقدام ہے، امریکی اہداف پر ایرانی حملے امریکا و اسرائیل کی مسلط کردہ جنگ کا ردعمل ہیں۔
امریکی میڈیا کو انٹرویو دیتے ہوئے عباس عراقچی نے کہا کہ ایران نے تنازع کا انتخاب نہیں کیا تھا، ایران تو اپنا دفاع کر رہا ہے۔ ایران کے ساتھ تنازع بلااشتعال، غیر مطلوبہ اور ناجائز ہے۔
عباس عراقچی نے کہا کہ ایران نے جنگ شروع نہیں کی صرف حملوں کے خلاف جوابی اقدامات کیے ہیں، ایرانی کارروائیوں میں خطے میں امریکی فوجی اڈوں، تنصیبات، اثاثوں کو نشانہ بنایا گیا ہے۔
امریکا، اسرائیل کے ایران پر آئل ڈپو حملے میں 6 افراد شہید، 21 زخمی
ایران کے دارالحکومت تہران کے مضافات میں گزشتہ رات آئل ڈپو پر حملے کے بعد صبح سے شہر میں دھوئیں کے کالے بادل چھائے رہے۔
ایرانی وزیر خارجہ نے مزید کہا کہ اس وقت کوئی نہیں جانتا کہ ایران کا اگلا سپریم لیڈر کون ہوگا، اس حوالے سے بہت سی افواہیں ہیں، لیکن ہمیں انتظار کرنا ہوگا جب اسمبلی آف ایکسپرٹس اجلاس کرے اور نئے سپریم لیڈر کے لیے ووٹ ڈالے۔
اسمبلی آف ایکسپرٹس 88 سینئر علماء پر مشتمل ہے جو ایران کے سپریم لیڈر کا انتخاب کرتے ہیں اور ان کے ارکان ایرانی ووٹروں کے ذریعے منتخب ہوتے ہیں۔
عباس عراقچی نے کہا کہ ہم کسی کو اپنے اندرونی امور میں مداخلت کی اجازت نہیں دیتے۔ یہ صرف ایرانی عوام کا معاملہ ہے، ایران کبھی بھی ٹرمپ کی غیر مشروط سرنڈر کی شرط قبول نہیں کرے گا۔
انہوں نے کہا کہ جون 2025 میں ایران نے جنگ بندی قبول کی تھی، لیکن اس بار مستقل امن قائم ہونا ضروری ہے، کوئی بھی اس جنگ کو جاری نہیں رکھنا چاہتا، لیکن ایران اپنی حفاظت کے لیے ردعمل جاری رکھے گا۔
Post time 2026-3-9 02:03:46
ایرانی وزیر خارجہ عباس عراقچی : فوٹو اے ایف پی 
