کرکٹ کی دنیا میں ایک تاریخی لمحہ اس وقت رقم ہوا جب بھارت نے نیوزی لینڈ کو فائنل میں شکست دے کر تیسری مرتبہ ٹی ٹوئنٹی ورلڈ کپ کا چیمپئن بننے کا اعزاز حاصل کیا۔
اس شاندار کامیابی کے ساتھ بھارت نے کئی نئے ریکارڈ بھی قائم کیے۔
نیوزی لینڈ کو شکست دیتے ہی بھارتی ٹیم اب دنیا کی واحد ٹیم بن گئی ہے جس نے اس فارمیٹ میں سب سے زیادہ یعنی تین مرتبہ ٹائٹل اپنے نام کیا ہے۔
نیوزی لینڈ کو فائنل میں شکست، بھارت تیسری مرتبہ ٹی ٹوئنٹی چیمپئن بن گیا
ایونٹ کا فائنل احمدآباد کے مودی اسٹیڈیم میں کھیلا جارہا ہے۔ جہاں نیوزی لینڈ نے ٹاس جیت کر بھارت کو پہلے بیٹنگ کی دعوت دی۔
مزید یہ کہ بھارت دنیائے کرکٹ کی پہلی ٹیم بھی بن گئی جس نے مسلسل دو مرتبہ ٹی ٹوئنٹی ورلڈکپ جیتا لیا اور اپنے ٹائٹل کا کامیابی سے دفاع کرلیا۔
اس کے ساتھ ساتھ بھارتی ٹیم گھر میں ٹی ٹوئنٹی ورلڈکپ جیتنے والی پہلی ٹیم بھی بن گئی ہے، اس سے قبل کوئی بھی ہوم ٹیم ٹی ٹوئنٹی ورلڈکپ جیتنے میں کامیاب نہ ہوسکی تھی۔
فائنل میں بھارتی کھلاڑیوں نے بیٹنگ اور بولنگ دونوں شعبوں میں شاندار کارکردگی دکھائی اور نیوزی لینڈ کو یکطرفہ مقابلے میں شکست دی۔
خیال رہے کہ بھارت نے پہلی مرتبہ 2007 میں جبکہ دوسری مرتبہ 2024 میں ٹی ٹوئنٹی ورلڈکپ جیتا تھا۔
Post time 2026-3-9 04:00:41
فوٹو بشکریہ کرک انفو 
