بھارت: کھانسی کے شربت سے بچوں کی اموات، عالمی ادارۂ صحت نے نئی دہلی سے وضاحت طلب کرلی

slotcosino

  
فوٹو بشکریہ بھارتی میڈیا

بھارت میں کھانسی کے شربت سے بچوں کی اموات کے معاملے پر عالمی ادارۂ صحت نے نئی دہلی سے وضاحت طلب کرلی ہے۔

ادارے نے استفسار کیا ہے کہ آیا وہ سیرپ جس کے باعث بچوں کی اموات ہوئیں، وہ کسی دوسرے ممالک کو برآمد کیا گیا تھا یا نہیں۔

عالمی ادارۂ صحت کا کہنا ہے کہ بھارت کی جانب سے باضابطہ تصدیق کے بعد ’کولڈ رِف‘ （Coldrif） کَف سیرپ سے متعلق عالمی سطح پر میڈیکل الرٹ جاری کرنے پر غور کیا جائے گا۔   
بھارت میں کھانسی کا سیرپ پینے سے 14 بچے ہلاک

نئی دہلی بھارت کی مختلف ریاستوں میں کھانسی کا سیرپ...   

بھارتی میڈیا کے مطابق گزشتہ ایک ماہ کے دوران بھارت میں پانچ سال سے کم عمر 17 بچے زہریلا شربت پینے سے ہلاک ہوچکے ہیں۔

لیبارٹری ٹیسٹ میں انکشاف ہوا تھا کہ دوا میں ڈائیتھیلین گلائیکول نامی خطرناک کیمیکل اجازت یافتہ حد سے 500 گنا زیادہ موجود تھا۔

بھارتی ریاست تلنگانہ نے ڈائیتھیلین گلائیکول کی موجودگی پر دو کھانسی کے شربتوں کے استعمال پر فوری طور پر پابندی عائد کرنے کا نوٹس جاری کیا ہے۔