|
|
 سعودی ولی عہد شہزادہ محمد بن سلمان۔فوٹو: فائل
سعودی ولی عہد شہزادہ محمد بن سلمان نے’کنگ سلمان گیٹ‘ منصوبے کا اعلان کر دیا۔
عرب میڈیا کی رپورٹ کے مطابق منصوبہ مسجدِ حرام کے قریب 12 ملین مربع میٹر کے رقبے پر مشتمل ہے، منصوبے کا مقصد مکہ مکرمہ اور مرکزی علاقے کے بنیادی ڈھانچے کی ترقی میں معیاری تبدیلی لانا ہے۔
یہ بھی پڑھیے
- سعودی ولی عہد نے دورۂ پاکستان کی دعوت قبول کر لی
- سعودی ولی عہد کا بڑا فیصلہ، 5 سال تک مکان کے کرایوں میں اضافہ معطل
رپورٹ کے مطابق منصوبے میں رہائشی، ثقافتی اور خدمتی سہولیات فراہم کی جائیں گی۔ منصوبے میں 9 لاکھ نمازیوں کیلئے اندرونی اور بیرونی مصلیٰ جات اور صحن میں گنجائش رکھی گئی ہے۔
سعودی میڈیا کے مطابق منصوبہ عوامی نقل و حمل کے نظام سے منسلک ہوگا تاکہ زائرین کے لئے مسجدِ حرام تک رسائی آسان بنائی جا سکے۔
سعودی میڈیا کے مطابق یہ سعودی وژن 2030 کے تحت اقتصادی تنوع کے اہداف میں حصہ ڈالے گا اور 2036 تک 3 لاکھ سے زیادہ ملازمتوں کے مواقع پیدا کرے گا۔ |
|
Post time 2025-10-16 01:30:11