|
|
 —فائل فوٹو
کراچی کے علاقے شیر شاہ میں رہائشی عمارت میں واقع آئل ڈپو میں آگ لگ گئی۔ آگ نے قریبی مکانات کو لپیٹ میں لے لیا۔ 5 افراد جھلس گئے۔
پولیس کے مطابق آگ نے متاثرہ مکانات کو جُزوی طور پر لپیٹ میں لیا تھا۔ گیس لائن سے اخراج کے باعث آگ کی شدت میں اضافہ ہوا، جس کے بعد گیس اور بجلی کی فراہمی بند کرا دی گئی۔
یہ بھی پڑھیے
- کراچی: کیماڑی آئل ڈپو میں آتشزدگی، فائربریگیڈ طلب
فائر بریگیڈ حکام کے مطابق اس آگ کو تیسرے درجے کی قرار دیا گیا ہے، جسے بجھانے کی کوشش جاری ہے۔
پولیس نے بتایا ہے کہ آگ لگنے کے بعد گلی میں آئل پھیل گیا، آگ سے متاثرہ افراد کی تعداد 5 ہو گئی، جن میں 2 بچے بھی شامل ہیں۔
پولیس کے مطابق تمام افراد آگ کے باعث بہنے والے آئل سے متاثر ہوئے ہیں۔
آگ سے تمام متاثرہ افراد کو طبی امداد کے لیے اسپتال منتقل کر دیا گیا ہے۔ |
|
Post time 2025-10-16 02:48:14