|
|
فائل فوٹو
امریکی صدر ڈونلڈ ٹرمپ نے کہا ہے کہ اسرائیل اور حماس نے امر یکا کے مجوزہ غزہ معاہدے کے پہلے مرحلے پر دستخط کردیے ہیں۔
سوشل میڈیا پر اپنے بیان میں انہوں نے کہا کہ اس کا مطلب ہے کہ تمام یرغمالیوں کو بہت جلد رہا کردیا جائے گا۔
ڈونلڈ ٹرمپ نے کہا کہ اسرائیل ایک مضبوط، پائیدار اور لازوال امن کی طرف پہلے قدم کے طور پر اپنی فوجوں کو ایک متفقہ لائن پر واپس بلا لے گا۔
دوسری جانب ذرائع کا کہنا ہے کہ غزہ جنگ بندی معاہدے کا اعلان آج متوقع ہے۔
اس سلسلے میں قطری وزارت خارجہ کا بھی کہنا ہے کہ غزہ جنگ بندی کے پہلے مرحلے پر معاہدہ طے پا گیا ہے۔
قطری وزارت خارجہ کے مطابق معاہدے کے نتیجے میں جنگ کے خاتمے، اسرائیلی یرغمالیوں اور فلسطینی قیدیوں کی رہائی اور امداد کی فراہمی ممکن ہوگی۔ |
|
Post time 2025-10-10 09:53:46