|
|
 ویڈیو گریب۔
امریکی ریاست ایلینائے کے ایک نوجوان نے ٹوتھ پکس （دانت صاف کرنے والے اسٹکس） سے 17.32 فٹ اونچا ایفل ٹاور تیار کرکے ریکارڈ بنا دیا۔
ایرک کلابل نامی اس نوعمر لڑکے نے تقریباً 20 ہزار ٹوتھ پکس سے ایفل ٹاور کا 17.32 فٹ بلند ماڈل تیار کر کے گنیز ورلڈ ریکارڈ قائم کیا۔
نیپئرویل شہر کے رہائشی اس لڑکے نے بتایا کہ اس کے والد کے سول انجینئر کے طور پر کیریئر نے اسے کم عمری ہی سے تعمیرات میں دلچسپی لینے کی ترغیب دی۔
ایرک کلابل کے مطابق جب وہ چھوٹا تھا تو اسے چیزیں بنانے کا بے حد شوق تھا اور خاص طور پر آئس کریم کی اسٹک یا ماچس کی تیلیوں سے وہ مختلف اشیا بناتا تھا۔
اس نے بتایا کہ 2021 میں 12 سال کی عمر میں اس نے اسٹکس سے 20.2 فٹ اونچا ٹاور بنایا اور اپنا پہلا گنیز ورلڈ ریکارڈ قائم کیا۔
اگرچہ بعد میں یہ ریکارڈ ٹوٹ گیا، لیکن اس نے اکتوبر میں اپنا دوسرا گنیز ورلڈ ریکارڈ اس وقت بنایا جب اس نے ٹوتھ پکس کے ایک نئے میڈیم سے اپنا منصوبہ مکمل کیا اور 17.32 فٹ اونچا ایفل ٹاور کا مجسمہ کا ریکارڈ قائم کیا۔ |
|
Post time 2025-12-28 03:06:08