وزیراعلیٰ خیبر پختونخوا سہیل آفریدی نے کہا ہے کہ رمضان المبارک میں ذخیرہ اندوزی اور خود ساختہ نرخ کسی صورت قبول نہیں۔
رمضان المبارک کی تیاریوں سے متعلق اجلاس میں وزیراعلیٰ کو عوامی ریلیف اور اشیائے خور و نوش کی سرکاری نرخوں پر دستیابی کے پلان پر بریفنگ دی گئی۔
بریفنگ میں کہا گیا کہ صوبے کے تمام اضلاع میں 146 پرائس مانیٹرنگ ڈیسک قائم کر دیے گئے ہیں، پرائس کنٹرول کے لیے 161 اضافی پرائس کنٹرول مجسٹریٹس مقرر ہیں۔
وفاقی حکومت کا سحر و افطار میں بجلی کی بلاتعطل فراہمی کا اعلان
وفاقی حکومت نے رمضان المبارک میں سحر اور افطار کے اوقات میں بلاتعطل بجلی فراہم کرنے کا اعلان کر دیا۔
بریفنگ میں مزید کہا گیا کہ خیبر پختونخوا کے دیہی علاقوں میں پرائس مانیٹرنگ کے لیے خصوصی اقدامات کیے جائیں گے، رمضان المبارک میں صفائی ستھرائی یقینی بنانے کے لیے اضافی ٹیمیں تعینات کی جائیں گی۔
بریفنگ میں یہ بھی کہا گیا کہ ڈپٹی کمشنرز کو ذخیرہ اندوزی روکنے کے لیے خصوصی اقدامات کی ہدایات جاری کی گئی ہیں۔
اس موقع پر وزیراعلیٰ سہیل آفریدی نے کہا کہ رمضان المبارک میں عوام کو ہر صورت ریلیف دیا جائے، ماہ مقدس میں قیمتوں میں اضافہ ناقابل برداشت ہے، پرائس کنٹرول ہر حال میں یقینی بنایا جائے۔
رمضان المبارک کیلئے گیس شیڈول جاری کردیا گیا
سوئی سدرن گیس کمپنی نے سندھ اور بلوچستان کیلیے ماہ رمضان المبارک کے دوران گیس کا شیڈول جاری کر دیا ہے۔
انہوں نے کہا کہ ذخیرہ اندوزی اور خود ساختہ نرخ کسی صورت قبول نہیں، فوڈ سیفٹی اور صاف خوراک کی فراہمی حکومت کی اولین ترجیح ہے، ہر ضلع میں احساس رمضان دسترخوان قائم کیا جائے۔
وزیراعلیٰ نے مزید کہا کہ خیبر پختونخوا کے تمام انٹری پوائنٹس پر مسافروں کے لیے احساس رمضان دسترخوان کا بندوبست کیا جائے، یتیم خانوں، دارالامان اور پناہ گاہوں میں سحری و افطاری کے لیے معیاری خوراک فراہم کی جائے۔
ان کا کہنا تھا کہ احساس رمضان پیکیج کے تحت مستحق خاندانوں کو 12 ہزار 500 روپے دیے جا رہے ہیں، جس کی تقسیم آٹھویں روزے تک ہر صورت مکمل کی جائے۔
سہیل آفریدی نے یہ بھی کہا کہ یتیموں، بیواؤں، مساکین اور خصوصی افراد کو ترجیحی بنیادوں پر ریلیف دیا جائے، رمضان میں تمام سرکاری اسپتالوں میں ادویات اور ڈاکٹرز کی دستیابی یقینی بنائی جائے۔
انہوں نے کہا کہ روزے کی حالت میں کسی مریض کوعلاج کے لیے پریشان نہیں ہونا چاہیے، رمضان المبارک میں انتظامات کی خود نگرانی کروں گا۔
Post time 2026-2-18 03:03:55
فائل فوٹو 
