پرواز کے دوران امریکی خاتون مسافر نے جہاز کو اٹالین ریسٹورنٹ بنا ڈالا، کھانا پسند نہ آنے پر تازہ پاستا بنا لیا، جس کی ویڈیو سوشل میڈیا پر وائرل ہوگئی۔
جہاز کا کھانا اکثر مسافروں کے لیے مایوس کن ثابت ہوتا ہے، مگر امریکا کی ایک خاتون مسافر نے 30 ہزار فٹ کی بلندی پر اپنی سیٹ پر ہی تازہ پاستا تیار کر ڈالا۔
کیٹی بروکس نامی یہ خاتون فوڈ انفلوئنسر نے ایک وائرل اپنی ٹک ٹاک ویڈیو میں اعلان کیا کہ اگر آپ جہاز کا کھانا پسند نہیں کرتے تو اپنا کھانا خود بنا لیں۔
کینیڈا کے ریسٹورنٹ نے 81 فٹ لمبا کباب رول بنادیا
اگلے سال ریستوران ایک نیا چیلنج کرے گا اور اس بار ہدف 200 فٹ لمبا کباب رول بنانے کا ہوگا۔
ویڈیو میں دیکھا جا سکتا ہے کہ کیٹی آٹے اور انڈے میں پانی ملا کر ایک برتن میں ڈال کر گوندھتی ہیں، پھر آٹے کو رول کر کے باریک ٹکڑوں میں کاٹتی اور خوبصورت انداز میں گنوکی （gnocchi） تیار کرتی ہیں۔
اس کے لیے وہ لکڑی کا خصوصی آلہ بھی ساتھ لے کر آئی تھیں تاکہ پاستا پر روایتی ڈیزائن بنایا جا سکے۔
یہ ویڈیو لاکھوں افراد نے دیکھی اور سوشل میڈیا پر نئی بحث چھڑ گئی، کچھ صارفین نے اس تخلیقی انداز کو سراہا تو کئی لوگوں نے اسے غیر ضروری حد سے زیادہ ڈرامہ قرار دیا۔
Post time 2025-10-10 16:20:56
