وزیراعظم ہاؤس میں کرسمس کی تقریب، پاکستان میں سب کے حقوق برابر ہیں، شہباز شریف

slotcosino

  فوٹو: اسکرین گریب

وزیراعظم شہباز شریف نے کہا ہے کہ حضرت عیسی علیہ السلام پوری انسانیت کے لیے محبت، بردباری اور خدمت کا پیغام لائے۔ آج دنیا کو ان کے پیغام کی پہلے سے کہیں زیادہ ضرورت ہے۔

وزیراعظم ہاؤس میں کرسمس کے سلسلے میں تقریب کا انعقاد کیا گیا، اس موقع پر خطاب میں وزیراعظم نے کہا کہ یہ ملک ہم سب کا سانجھا ہے اس میں سب کے حقوق برابر ہیں۔   
مسیحی برادری آج کرسمس منا رہی ہے، وزیراعظم کی مبارکباد

پاکستان سمیت دنیا بھر میں مسیحی برادری آج کرسمس کا تہوار منا رہی ہے۔   

انہوں نے مسیحی برادری سے کہا کہ ترقی اور خوشحالی کے سفر میں آپ کا ساتھ دیں گے، کسی اقلیتی شہری کے ساتھ ناانصافی یا زیادتی ہوئی تو قانون پوری قوت سے حرکت میں آئے گا۔

وزیراعظم شہباز شریف نے مزید کہا کہ مئی میں افواج پاکستان نے فیلڈ مارشل کی قیادت میں دشمن کے چھکے چھڑا دیئے، ایئر مارشل کی قیادت میں پاک فضائیہ نے بھارت کے 7 جہاز گرائے۔