اپوزیشن جماعت پاکستان تحریک انصاف （پی ٹی آئی） نے وزیراعظم کی مذاکرات کی پیشکش کو مسترد کردیا ہے۔
میڈیا سے گفتگو میں پی ٹی آئی ترجمان شیخ وقاص اکرم نے کہا ہے کہ حکومت مذاکرات کو ایک دوغلے پن اور عوام کو بیوقوف بنانے کےلیے استعمال کر رہی ہے۔
سابق رہنماؤں کا پی ٹی آئی کی سینئر قیادت کو رہا کرنے کا مطالبہ
سابق رہنماؤں نے وزیراعظم شہباز شریف سے مذاکرات سے پہلے کوٹ لکھپت جیل میں قید پارٹی سینئر قیادت کو رہا کرنے کا مطالبہ کیا ہے
انہوں نے کہا کہ پی ٹی آئی سے معافی مانگنے کا مطالبہ حکومت کی سیاسی گھبراہٹ اور فکری دیوالیہ پن ہے، حکمرانوں کو پیشگی شرائط پر مبنی بات چیت کا مطالبہ نہیں کرنا چاہیے۔
شیخ وقاص اکرم نے مزید کہا کہ حکومت کا انداز سیاسی گھبراہٹ اور فکری دیوالیہ پن کی علامت ہے، پارٹی حکومت سے بات چیت میں شامل نہیں ہوگی۔
اس سے قبل پشاور میں جیو نیوز سے گفتگو میں شیخ وقاص نے وزیراعظم شہباز شریف کی مذاکرات کی پیشکش پر ردعمل دیا تھا۔
مذاکرات کچھ لو اور کچھ دو کی بنیاد پر کیے جاتے ہیں، خواجہ آصف
وزیر دفاع خواجہ محمد آصف نے کہا ہے کہ مذاکرات کچھ لو اور کچھ دو کی بنیاد پر کیے جاتے ہیں۔
انہوں نے کہا کہ وزیراعظم کے پاس اختیار ہی نہیں تو بات چیت کی ضرورت کیا ہے؟ پی ٹی آئی حکومت سے بات چیت میں شامل نہیں ہوگی۔
دوسری طرف یہ اطلاعات ہیں کہ وزیراعظم کی پیشکش پر مذاکرات سے متعلق جواب تحریک تحفظ آئین پاکستان کے رہنما محمود خان اچکزئی اور علامہ راجا ناصر عباس آج جواب دیں گے۔
Post time 2025-12-27 23:51:08
پی ٹی آئی ترجمان شیخ وقاص اکرم۔ فوٹو: فائل 
