گل پلازا انکوائری کمیشن 8 ہفتوں میں تحقیقاتی رپورٹ مکمل کرے گا: ضیاء الحسن لنجار

slotcosino

  
— فائل فوٹو

وزیرِ داخلہ سندھ ضیاء الحسن لنجار نے گل پلازا انکوائری کمیشن کو غفلت کے مُرتکب افسران اور بلڈنگ مینجمنٹ کے خلاف ذمے داری فکس کرنے کی ہدایت کر دی۔

گل پلازا انکوائری کمیشن کے حوالے سے وزیر داخلہ سندھ ضیاء الحسن لنجار نے اپنے بیان میں بتایا ہے کہ جسٹس آغا فیصل کی سربراہی میں کمیشن 8 ہفتوں میں تحقیقاتی رپورٹ مکمل کرے گا، کمیشن گل پلازا کی تعمیراتی منظوری اور لیز کی قانونی حیثیت کے حوالے سے تحقیقات کرے گا۔

ان کا کہنا ہے کہ بلڈنگ پلان کی خلاف ورزی اور ایمرجنسی انخلاء میں رکاوٹوں کا بھی تفصیلی جائزہ لیا جائے گا، آگ بجھانے کے انتظامات اور فائر سیفٹی آڈٹ کی کوتاہیوں کا تعین کیا جائے گا۔   
جوڈیشل مجسٹریٹ کراچی جنوبی، سانحہ گل پلازہ کیس کی سماعت میں اہم پیشرفت

جوڈیشل مجسٹریٹ کراچی جنوبی کی عدالت میں سانحہ گل پلازہ کیس کی سماعت میں اہم پیشرفت ہوئی۔    

وزیرِ داخلہ سندھ نے کہا کہ کمیشن آگ لگنے کی وجوہات، حالات اور ریسکیو آپریشن کی رفتار کا معائنہ کرے گا۔

ضیاء الحسن لنجار نے غفلت کے مُرتکب افسران اور بلڈنگ مینجمنٹ کے خلاف ذمے داری فکس کرنے کی ہدایت کر تے ہوئے کمشنر کراچی کو انکوائری کمیشن کے لیے مکمل سپورٹ فراہم کرنے کا حکم بھی دیا۔

ان کا کہنا ہے کہ حکومت سندھ متاثرین گل پلازا کی داد رسی میں تاخیر نہیں کرے گی، سخت اقدامات اور مؤثر تحقیقات کی بدولت حقائق منظرِ عام پر لائیں گے۔