آبنائے ہرمز سے گزرنے والے جہازوں کی انشورنس لاگت 12 گنا بڑھ گئی: برطانوی اخبار

slotcosino

  —فائل فوٹو

آبنائے ہرمز سے گزرنے والے جہازوں کی انشورنس لاگت 12 گنا بڑھ گئی ہے۔

برطانوی اخبار فنانشل ٹائمز کی رپورٹ کے مطابق جنگ سے پہلے انشورنس پریمیم جہاز کی قیمت کا تقریباً 0 اعشاریہ 25 فیصد تھا جو اب بڑھ کر تقریباً 3 فیصد تک پہنچ گیا ہے۔

جہاز مالکان کو انشورنس کے لیے لاکھوں ڈالر کی قیمتیں بتائی جا رہی ہیں۔   
آبنائے ہرمز کی بندش سے سب سے زیادہ کون سے ممالک متاثر ہوں گے؟

ایران کی جانب سے آبنائے ہرمز کی بندش سے سب سے زیادہ ایشیائی ممالک متاثر ہوں گے۔    

امریکی صدر ٹرمپ نے خلیج سے تجارت کے لیے انشورنس اور ضمانت دینے کا اعلان کیا ہے یہ سہولت امریکی ترقیاتی مالیاتی کارپوریشن کے ذریعے دینے کی بات کی گئی ہے۔

رپورٹ میں مزید بتایا گیا ہے کہ تیل کی قیمت جنگ شروع ہونے کے بعد تقریباً 26 فیصد زیادہ ہے اور برینٹ خام تیل تقریباً 81 ڈالر فی بیرل کے قریب ہے۔

واضح رہے اتوار کے بعد سے7 آئل ٹینکروں کو آبنائے ہرمز اور اس کے اطراف میں نشانہ بنایا جا چکا ہے۔