امریکا نے ایران کے خلاف جاری فوجی کارروائیوں کو مزید تیز کرنے کا اعلان کرتے ہوئے کہا ہے کہ آنے والے گھنٹوں میں ایران پر میزائلز اور ہتھیاروں کی بارش کی جائے گی۔
عرب میڈیا کے مطابق امریکی حکام نے دعویٰ کیا ہے کہ ایران کی فضائی حدود پر مکمل کنٹرول حاصل کیا جا رہا ہے۔
امریکی وزیرِ دفاع پیٹ ہیگستھ نے صحافیوں سے گفتگو میں کہا ہے کہ امریکی اور اسرائیلی فضائیہ ایران کے اوپر مسلسل پروازیں کر رہی ہے اور منتخب اہداف کو نشانہ بنا رہی ہے۔
امریکا کا ’ڈومز ڈے میزائل‘ منیوٹ مین III کا کامیاب تجربہ
یہ میزائل دنیا کے کسی بھی مقام کو نشانہ بنا سکتا ہے۔
اِن کا کہنا تھا کہ یہ جنگ ’برابر کی لڑائی نہیں‘ اور امریکا ایران کو ’بغیر کسی رعایت کے‘ نشانہ بنا رہا ہے۔
ادھر وائٹ ہاؤس کی ترجمان کیرولائن لیویٹ نے بھی کہا ہے کہ جَلد ہی امریکا کو فضائی برتری حاصل ہو جائے گی جس کے بعد ایران میں اہم اہداف پر بڑے پیمانے پر حملے کیے جائیں گے۔
دوسری جانب ایران نے الزام عائد کیا ہے کہ امریکا اور اسرائیل شہری علاقوں کو بھی نشانہ بنا رہے ہیں۔
ایرانی وزارتِ خارجہ کے ترجمان اسماعیل بقائی نے اپنے بیان میں کہا ہے کہ حالیہ حملوں میں اسکولوں، اسپتالوں، رہائشی عمارتوں اور بازاروں کو نقصان پہنچایا ہے۔
Post time 2026-3-5 20:44:06
