وفاقی وزیرِ قانون اعظم نذیر تارڑ نے کہا کہ اقلیتوں کےحقوق کے لیے ابھی مزید کام کرنا باقی ہے۔
وفاقی وزیرِ قانون و انصاف اعظم نذیر تارڑ کا سمپوزیم سے خطاب کرتے ہوئے کہا کہ آئینِ پاکستان میں بنیادی انسانی حقوق کا تحفظ یقینی بنایا گیا ہے۔ اعظم نذیر تارڑ نے بتایا کہ عدالتوں کو جبری شادیاں رکوانے کا قانونی اختیار حاصل ہے۔
1 کروڑ 40 لاکھ کیسز زیرِ التواء ہونا خطرناک صورتِحال ہے: اعظم نذیر تارڑ
وفاقی وزیرِ قانون اعظم نذیر تارڑ نے کہا ہے کہ ہم زیرِ التواء مقدمات کے چنگل میں ہیں، 1 کروڑ 40 لاکھ مقدمات زیرِ التواء ہیں، جو خطرناک صورتِ حال ہے۔
انہوں نے کہا کہ مساوات اور انصاف کی فراہمی کسی بھی معاشرے میں بنیادی اہمیت کی حامل ہے اور آئین کی شق 25 مساوات کی ضمانت دیتی ہے۔
وفاقی وزیرِ قانون و انصاف نے کہا کہ اقلیتوں کے حقوق کا تحفظ آئین کا حصہ ہے، حقوق کا تحفظ مختلف جگہ آئین میں واضح ہے، اس حوالے سے مختلف بینچز بنائے گئے ہیں۔
انہوں نے بتایا کہ صوبے تمام اقلیتوں کے حقوق کے لیے اقدامات اٹھا رہے ہیں, یہ سوسائٹی اور اداروں کی اہم ذمہ داری ہے اور اس سلسلے میں پارلیمنٹ بھی مختلف کمیونٹیز کے حقوق کے لیے سرگرم ہے۔
اعظم نذیر تارڑ نے امید کا اظہار کیا کہ پاکستان کی دنیا میں پہچان قانون سے ہوگی۔
Post time 2025-10-16 21:39:02
وفاقی وزیرِ قانون اعظم نذیر تارڑ —فائل فوٹو 
