|
|
—فائل فوٹو
پاکستان شوگر ملز ایسوسی ایشن نے خزانہ اور غذائی تحفظ کے وفاقی وزراء کو تیسرا خط لکھ دیا۔
پاکستان شوگر ملز ایسوسی ایشن کے اعلامیے کے مطابق خط میں کہا گیا ہے کہ ملز میں نصب ایف بی آر کے ایس ٹریک پورٹلز کو بند کرنے کا معاملہ تاحال برقرار ہے۔
خط کے متن میں کہا گیا ہے کہ پچھلے چند ہفتوں سے پورٹل کو آف اور آن کرنا ایک باقاعدہ فیچر بن چکا ہے، 14 اکتوبر کو وزارتِ فوڈ سیکیورٹی کی میٹنگ میں اس مسئلے کو دوبارہ اُٹھایا گیا۔
خط میں کہا گیا ہے کہ انڈسٹری سے یہ وعدہ کیا گیا میٹنگ کے بعد پورٹل کھول دیا جائے گا، ایف بی آر کا ایس ٹریک پورٹل اب تک بند ہے، ایسے اقدامات چینی کی قیمتوں میں اضافے کا سبب بن رہے ہیں۔
شوگر ملز ایسوسی ایشن کا خط میں کہنا ہے کہ اندیشہ ہے ایسی پالیسی سے مارکیٹ میں چینی ناپید ہو جائے گی، اس سے چینی کی قیمتیں مزید بڑھیں گی، اس صورت میں انڈسٹری کو کسی صورت موردِ الزام نہیں ٹھہرایا جا سکتا، حکومت سے درخواست ہے کہ تمام پابندیوں کو جلد از جلد ہٹایا جائے۔ |
|
Post time 2025-10-16 23:36:07