|
|
 وائٹ بال سیریز کے ٹکٹوں کی فروخت آج سے شروع ہونی تھی، جو اب 21 اکتوبر سے شروع ہوگی۔
پاکستان کرکٹ بورڈ نے جنوبی افریقا کے ساتھ وائٹ بال سیریز کیلئے ٹکٹوں کی قیمتوں کا اعلان کردیا۔
راولپنڈی میں ایک اور لاہور میں دو ٹی ٹوئنٹی میچ کھیلےجائیں گے جبکہ فیصل آباد میں تین ون ڈے میچز ہوں گے۔
راولپنڈی میں جنرل انکلوژرز کی قیمت 400 روپے رکھی گئی ہے، پہلے ٹی ٹوئنٹی کے وی آئی پی ٹکٹ کی قیمت 800 روپے ہے جبکہ پریمیئم 700 اور فرسٹ کلاس کی ٹکٹ 600 روپے ہے۔
پی سی بی گیلری 1500، پلاٹینم باکس پر سیٹ کی قیمت 15ہزار روپےمقرر کی گئی ہے۔
لاہور میں 2 ٹی ٹوئنٹی میچز میں جنرل انکلوژرز کی قیمت 400 روپے مقرر ہے، قذافی اسٹیڈیم میں فرسٹ کلاس 600، پریمیئم 700 اور وی آئی پی ٹکٹ 800 روپے مقرر ہے۔
وی آئی پی فار اینڈ 1500، وی آئی پی نیو پویلین ٹکٹ کی قیمت 2000 اور وی آئی پی گیلری کے ٹکٹ قیمت 2500 روپے مقرر ہے۔
وائٹ بال سیریز کے ٹکٹوں کی فروخت آج سے شروع ہونی تھی، جو اب 21 اکتوبر سے شروع ہوگی۔
پنڈی ٹیسٹ کے بعض انکلوژرز کے ٹکٹوں کی فروخت کی وجہ سے تاریخ میں رد و بدل ہوا ہے۔
یہ بھی پڑھیے
- ویمنز ورلڈ کپ: بارش پاکستان کی تاریخی جیت کی راہ میں رکاوٹ بن گئی
- نعمان علی نے عبدالقادر کا 37 سال پرانا ریکارڈ توڑ دیا
- لاہور ٹیسٹ: پاکستان نے ورلڈ چیمپئن جنوبی افریقہ کو 93 رنز سے ہرادیا
فیصل آباد میں تین ون ڈے میچز کےٹکٹ کی کم سے کم قیمت 400 روپے مقرر کی گئی ہے۔ اقبال اسٹیڈیم میں وی آئی پی ٹکٹ کی قیمت 800 اور فرسٹ کلاس انکلوژرز کی قیمت 600 روپے، وی آئی پی گراؤنڈ فلور کی قیمت 3 ہزار روپے مقرر کی گئی ہے۔
پاکستان اور جنوبی افریقہ کے درمیان پہلا ٹی ٹوئنٹی 28 اکتوبر کو پنڈی اسٹیڈیم، دوسرا اور تیسرا ٹی ٹوئنٹی قذافی اسٹیڈیم میں 31 اکتوبر اور یکم نومبر کو کھیلا جائے گا
تین ون ڈے میچز چار، چھ اور آٹھ نومبر کو فیصل آباد کے اقبال اسٹیڈیم میں کھیلے جائیں گے۔ |
|
Post time 2025-10-17 00:15:04