انڈونیشیا نے چینی ساختہ جدید جنگی طیارے J-10C خریدنے کا اعلان کیا ہے، 42 طیاروں کی خریداری کیلئے 9 بلین ڈالر ادا کرے گا۔
امریکی میڈیا کے مطابق انڈونیشیا کی جانب سے یہ پہلی بار ہے کہ وہ غیر مغربی ممالک سے جنگی طیارے خریدے گا۔
اس سے قبل انڈونیشی ایئر فورس کے پاس روس، امریکا اور برطانوی ساختہ جنگی جہاز موجود ہیں، جن میں اکثر کو تبدیلی یا مرمت کی ضرورت ہے۔
اس سال جون میں ترکیہ کے صدر طیب اردوان بھی انڈونیشیا کو اڑتالیس کان جنگی طیارے فراہم کرنے کا اعلان کرچکے ہیں۔
چین کے جے 10 سی طیارے امریکا کے ایف 16 کی برآمدات کیلئے بڑا خطرہ قرار
امریکی اخبار نے چین کے جے10سی جنگی طیاروں کو امریکا کے ایف 16 جنگی طیاروں کی برآمدات کے لیے بڑا خطرہ قرار دے دیا۔
دوسری جانب انڈونیشیا کو 2026 کے اوائل میں فرانسیسی ساختہ رافیل طیاروں کی پہلی کھیپ بھی موصول ہوجائے گی۔
انڈونیشیا کے وزیرِ دفاع سجفری سجم الدین نے اعلان کیا تھا کہ ’اُن کا ملک چین سے جے-10 لڑاکا طیارے حاصل کرنے جارہا ہے‘۔
انڈونیشن وزیردفاع نے ممکنہ دفاعی سودے کے حوالے سے تفصیلات نہیں بتائیں، تاہم انہوں نے کہا یہ طیارے بہت جلد جکارتہ کی فضاؤں میں پرواز کرتے ہوئے دیکھے جاسکیں گے۔
Post time 2025-10-17 04:09:10
