جیو ٹی وی کے مقبول کامیڈی شو ہنسنا منع ہے کہ میزبان تابش ہاشمی اب اپنے کیریئر میں ایک نیا قدم رکھنے جارہے ہیں، رپورٹس کے مطابق تابش ہاشمی پہلی بار بڑے پردے پر اداکاری کرتے نظر آئیں گے۔
سوشل میڈیا پیج گیلیکسی لالی ووڈ کی رپورٹ کے مطابق تابش ہاشمی ایک رومانوی کامیڈی فلم میں جلوہ گر ہوں گے جس میں ان کے ساتھ پاکستان کے سپر اسٹار فہد مصطفیٰ اور مقبول اداکارہ ماہرہ خان بھی شامل ہوں گی۔
فلم کی ہدایت کاری بلال عاطف خان کریں گے جبکہ پروڈکشن فہد مصطفیٰ کے بینر بگ بینگ انٹرٹینمنٹ کے تحت ہوگی۔
ایشیا کپ کے فائنل میں پاک بھارت ٹاکرا، تابش ہاشمی کا دلچسپ تبصرہ وائرل
جیو نیوز کے پروگرام ’ہنسنا منع ہے‘ کے میزبان تابش ہاشمی کو پاک بھارت ٹاکرے سے قبل بھارتی شائقین کی پریشانی ہونے لگی۔
تابش ہاشمی نے 2023ء میں جیو ٹی وی کے پروگرام ہنسنا منع ہے سے ٹی وی کا نیا سفر شروع کیا اور کم وقت میں سوشل میڈیا پر زبردست فالوونگ بنا لی، خاص طور پر نوجوان نسل میں۔
دوسری جانب مداحوں نے ردعمل میں کہا ہے کہ ہانیہ عامر کو یہ فلم کیوں آفر نہیں کی گئی، خاص طور پر اس لیے کہ فہد مصطفیٰ نے پہلے عندیہ دیا تھا کہ بگ بینگ انٹرٹینمنٹ کی پہلی فلم میں ہانیہ عامر کو کاسٹ کیا جائے گا۔ البتہ ماہرہ خان کے مداح بے حد پُرجوش ہیں اور فلم کے حوالے سے مزید تفصیلات کے منتظر ہیں۔
Post time 2025-10-10 11:42:07
