پاکستان اور جنوبی افریقہ کی ٹیمز آج دوپہر میں قذافی اسٹیڈیم میں ٹریننگ کریں گی۔
ذرائع کے مطابق پاکستان ٹیم مینجمنٹ پہلے ٹیسٹ کا پلئینگ الیون پر غور جاری، ممکنہ طور پر پہلے ٹیسٹ میں 2 ریگولر فاسٹ بولرز اور 2 اسپنرز کے ساتھ جانے پر غور کیا۔
جنوبی افریقا کیخلاف پہلے ٹیسٹ میچ کیلئے پاکستان ٹیم کے ممکنہ کھلاڑیوں کے نام سامنے آگئے
دونوں ٹیموں کے درمیان پہلا ٹیسٹ 12 اکتوبر سے لاہور اور دوسرا ٹیسٹ 20 اکتوبر سے پنڈی اسٹیڈیم میں کھیلا جائے گا۔
ذرائع کا کہنا ہے کہ عبوری ہیڈ کوچ اظہر محمود اسپنر آصف آفریدی کے ڈیبیو کے حق میں ہیں۔
ذرائع کے مطابق ہیڈ کوچ اظہر محمود آصف آفریدی کی بولنگ سے متاثر ہیں۔
ذرائع کا کہنا ہے کہ ممکنہ پلئینگ الیون کے لیے عبداللّٰہ شفیق ، امام الحق، شان مسعود اور بابر اعظم کے ناموں پر غور کیا جا رہا ہے۔
ذرائع کے مطابق سعود شکیل ،محمد رضوان، سلمان علی آغا، ساجد خان، شاہین آفریدی، نعمان علی اور خرم شہزاد کے نام بھی زیرِ غور ہیں۔
Post time 2025-10-10 12:27:20
فوٹو بشکریہ ایکس 
