|
|
 فوٹو: فائل
ایشیائی ترقیاتی بینک （اے ڈی بی） نے ایشیائی ترقیاتی آؤٹ لک جاری کردیا جس میں کہا گیا ہے کہ پاکستان کی معیشت درمیانی مدت میں ترقی کی راہ پر گامزن ہے۔
اے ڈی بی کی رپورٹ کے مطابق پالیسی ریفارمز اور استحکام سے معیشت میں بہتری جاری رہے گی، آئی ایم ایف پروگرام کے تحت پاکستان میں معاشی اصلاحات میں پیشرفت ہوئی۔
رپورٹ میں کہا گیا کہ مالی سال 2026 میں جی ڈی پی گروتھ 3 فیصد رہنے کا امکان ہے، بار بار آنے والی قدرتی آفات اور حالیہ سیلاب ترقی کے لیے خطرہ ہیں۔
رپورٹ کے مطابق اصلاحات اور پالیسی عملدرآمد سے معیشت کی رفتار اور اعتماد برقرار رکھا جاسکتا ہے، مالی سال 2026 میں امریکا اور پاکستان کے تجارتی معاہدے سے کاروباری اعتماد بحال ہونے کا امکان ہے جبکہ بیرونی زرمبادلہ کے ذخائر میں بہتری اور سرمایہ کاری میں اضافہ بھی متوقع ہے۔
اے ڈی بی کے مطابق تعمیراتی شعبے کے لیے بجٹ میں دی گئی مراعات جزوی طور پر نقصانات کم کریں گی۔ 2026 میں اوسطاً مہنگائی 6 فیصد تک بڑھنے کا امکان ہے۔ سیلاب سے سپلائی چین متاثر اور خوراک کی قیمتوں میں اضافہ متوقع ہے اور گیس ٹیرف میں اضافے سے بھی مہنگائی میں اضافہ ہوگا۔
اے ڈی بی کی رپورٹ میں کہا گیا ہے کہ مرکزی بینک مہنگائی کنٹرول کرنے کے لیے محتاط مانیٹری پالیسی اپنائے گا۔ |
|
Post time