معروف مراکش نژاد امریکی ریپر فرنچ مونٹانا نے دبئی کی شہزادی شیخہ مہرا کو منگنی پر ایک نایاب 11 قیراط کی ہیروں جڑی انگوٹھی تحفے میں دی ہے جس کی مالیت تقریباً 10 لاکھ امریکی ڈالر بتائی جارہی ہے۔
انگوٹھی نیویارک کے معروف جیولر ایرک دی جیولر （Mavani & Co） نے خصوصی طور پر ڈیزائن کی، اس میں ایمرلڈ کٹ ہیرا جڑا ہے جو 11.53 قیراط وزنی ہے، بتایا جاتا ہے کہ مونٹانا نے یہ انگوٹھی کئی ماہ پہلے آرڈر پر تیار کروائی تھی تاکہ اپنی منگیتر کو ایک منفرد اور شاہانہ تحفہ دے سکیں۔
یاد رہے کہ دونوں شخصیات کی منگنی کا اعلان حال ہی میں کیا گیا ہے۔
شیخہ مہرا متحدہ عرب امارات （یو اے ای） کے نائب صدر اور وزیراعظم کی صاحبزادی ہیں اور ان کی ذاتی دولت کا تخمینہ 30 کروڑ ڈالر لگایا جاتا ہے، جبکہ ان کے خاندان کی مجموعی دولت کا اندازہ 18 ارب ڈالر سے زائد ہے، دوسری جانب فرنچ مونٹانا کی مجموعی دولت 25 سے 50 ملین ڈالر کے درمیان بتائی جاتی ہے۔
دبئی کی شہزادی شیخہ مہرہ نے ریپر فرنچ مونٹانا سے منگنی کرلی
انسٹا گرام پر اپنے شوہر کو طلاق دینے کا اعلان کرنے والی دبئی کی شہزادی شیخہ مہرہ المکتوم نے ریپر فرنچ مونٹانا سے منگنی کرلی۔
قابل ذکر بات یہ ہے کہ شیخہ مہرا کی یہ دوسری شادی ہوگی، اس سے قبل انہوں نے اپریل 2023ء میں ایک شاندار تقریب میں شیخ مانا المکتوم سے نکاح کیا تھا، تاہم جولائی 2024ء میں انہوں نے انسٹاگرام پر ایک وائرل پوسٹ کے ذریعے اپنی طلاق کا اعلان کیا تھا۔
Post time 
تصاویر:سوشل میڈیا 
