نئے سیاسی اتحاد کی تشکیل، سانائے تاکائچی کا جاپان کی پہلی خاتون وزیراعظم بننا یقینی

slotcosino · Post time 2025-10-19 20:30:18

فائل فوٹو

جاپان میں حکمران جماعت اور اپوزیشن کے درمیان اتحادی حکومت کے قیام پر اتفاق ہونے کے بعد سانائے تاکائچی کے لیے ملک کی پہلی خاتون وزیراعظم بننے کے امکانات روشن ہوگئے ہیں۔

جاپانی خبر رساں ادارے نے رپورٹ کیا ہے کہ حکمران لبرل ڈیموکریٹک پارٹی （ایل ڈی پی） کی سربراہ سانائے تاکائچی اور جاپان انوویشن پارٹی （جے آئی پی） کے رہنما ہیروفومی یوشیمورا پیر کے روز باضابطہ طور پر اتحاد کے معاہدے پر دستخط کریں گے۔

تاکائچی نے رواں ماہ کے آغاز میں ایل ڈی پی کی قیادت سنبھالی تھی، تاہم ان کا وزیراعظم بننے کا خواب اُس وقت مؤخر ہوگیا جب حکمران اتحاد ٹوٹ گیا، اب ایل ڈی پی نے نئی سیاسی صف بندی کے ذریعے دوبارہ اقتدار کا راستہ ہموار کرلیا ہے۔

جاپانی میڈیا کے مطابق ایل ڈی پی نے سانائے تاکائچی کو اتحادی حکومت کے معاملات طے کرنے کی ذمہ داری سونپی ہے، جبکہ جے آئی پی اتوار کو اوساکا میں اپنی ایگزیکٹو میٹنگ اور پیر کو ارکانِ پارلیمان کا اجلاس منعقد کرے گی، جس کے بعد معاہدے کی حتمی منظوری دی جائے گی۔

جاپان میں تبدیلی آگئی، پہلی ممکنہ خاتون وزیرِاعظم کا نام سامنے آگیا

جاپان کی حکمران جماعت لبرل ڈیموکریٹک پارٹی نے سانائے تکائچی کو نیا لیڈر منتخب کرلیا۔

یہ پیش رفت ایسے وقت میں سامنے آئی ہے جب ایل ڈی پی کی اتحادی جماعت کومیتو پارٹی نے 26 سال بعد حکومت سے علیحدگی اختیار کرلی تھی، جس سے ملک میں سیاسی بحران پیدا ہوگیا تھا۔

اگر یہ اتحاد کامیاب رہتا ہے تو سانائے تاکائچی جاپان کی تاریخ میں پہلی خاتون وزیراعظم بننے کا اعزاز حاصل کرلیں گی جو جاپانی سیاست میں ایک تاریخی سنگِ میل سمجھا جارہا ہے۔

		Remember me	Forgot password?
Password			立即注册

نئے سیاسی اتحاد کی تشکیل، سانائے تاکائچی کا جاپان کی پہلی خاتون وزیراعظم بننا یقینی

Related threads