دنیا کا سب سے بڑا آئس برگ A23a تیزی سے ٹوٹ پھوٹ کا شکار ہے اور کئی بڑے ٹکڑوں میں تقسیم ہو رہا ہے۔
برٹش انٹارکٹک سروے （BAS） کے سائنسدانوں کے مطابق یہ آئس برگ ماضی میں ایک کھرب میٹرک ٹن وزنی اور 3 ہزار 672 مربع کلو میٹر رقبے پر پھیلا ہوا تھا جو امریکی ریاست روڈ آئی لینڈ سے بھی بڑا ہے۔
سائنسدان اینڈریو میجرز کا کہنا ہے کہ A23a اس وقت تیزی سے بڑے حصوں میں بٹ رہا ہے، جنہیں امریکی نیشنل آئس سینٹر نے بھی نئے آئس برگ کے طور پر ریکارڈ کیا ہے، اب اس کا رقبہ سکڑ کر ایک ہزار 700 مربع کلو میٹر رہ گیا ہے جو لندن شہر کے قریب قریب ہے۔
دنیا کا سب سے بڑا آئس برگ ٹکرانے سے جزیرے پر لاکھوں پینگوئن کو خطرہ
کراچیدنیا کا سب سے بڑا آئس برگ برطانوی علاقے...
ماہرین کے مطابق گرم پانی کی وجہ سے یہ آئس برگ آئندہ ہفتوں میں مزید چھوٹے ٹکڑوں میں تقسیم ہو جائے گا، یہ آئس برگ 1986 میں انٹارکٹکا کے فلکنر رونی آئس شیلف سے ٹوٹا تھا اور 30 سال سے زائد عرصے تک ویڈل سی کے فرش پر جما رہا۔
A23a کے ٹوٹنے کے بعد اب دنیا کا سب سے بڑا آئس برگ D15a ہے، جس کا رقبہ تقریباً 3 ہزار مربع کلومیٹر ہے۔
ماہرین کا کہنا ہے کہ برفانی تودوں کا ٹوٹنا ایک قدرتی عمل ہے، تاہم حالیہ دہائیوں میں ماحولیاتی تبدیلی اور سمندری پانی کے بڑھتے درجہ حرارت کے باعث اس عمل میں تیزی آئی ہے۔
Post time 
