امریکی صدر ڈونلڈ ٹرمپ نے اے آئی سے بنی ویڈیو جاری کر دی جس میں وہ سر پر تاج پہن کر بادشاہ بنے ہوئے جہاز میں بیٹھے ہیں—تصاویر بشکریہ سوشل میڈیا
امریکی صدر ڈونلڈ ٹرمپ نے خود کو بادشاہ بنا دیا، انہوں نے ایک مصنوعی ذہانت سے بنی ویڈیو جاری کی ہے۔
سوشل میڈیا پلیٹ فارم پر جاری کی گئی اے آئی ویڈیو میں ٹرمپ بادشاہ بنے تارج پہن کر جہاز کے کاک پٹ میں بیٹھے ہیں۔
یہ ویڈیو انہوں نے خود کو بادشاہ قرار دینے اور اپنے خلاف نو کنگ کے نام سے مظاہرہ کرنے والوں کے جواب میں جاری کی ہے۔
واضح رہے کہ گزشتہ روز سے امریکا کے مختلف شہروں میں صدر ڈونلڈ ٹرمپ کی انتظامیہ کے خلاف ’نو کنگز‘ کے عنوان سے ملک گیر احتجاج جاری ہے، جس میں لاکھوں افراد سڑکوں پر نکل آئے ہیں جبکہ چھوٹے شہروں میں بھی درجنوں ریلیاں نکالی جا رہی ہیں۔
امریکا: ’نو کنگز‘ تحریک، ٹرمپ کیخلاف بڑے پیمانے پر مظاہرے
مظاہرین کا کہنا ہے کہ صدر ٹرمپ آمریت اور فوجی جبر کی طرف بڑھ رہے ہیں۔
دوسری جانب امریکی شہر شگاگو میں ڈھائی لاکھ افراد صدر ٹرمپ کے خلاف سراپائے احتجاج بن گئے، جنہوں نے’ٹرمپ انتظامیہ مزید برداشت نہیں‘ کے فلک شگاف نعرے لگائے۔
مظاہرین نے تارکینِ وطن کی بے دخلی کے لیے چھاپوں اور ریاستوں میں فوج کی تعیناتی کے خلاف غم اور غصے کا اظہار کیا ہے۔
امریکا بھر میں مظاہرین نے صدر ڈونلڈٹرمپ کی حالیہ پالیسیوں کو آمرانہ قرار دیا ہے۔
Post time 2025-10-20 04:17:56
امریکی صدر ڈونلڈ ٹرمپ نے اے آئی سے بنی ویڈیو جاری کر دی جس میں وہ سر پر تاج پہن کر بادشاہ بنے ہوئے جہاز میں بیٹھے ہیں—تصاویر بشکریہ سوشل میڈیا 
