|
|
 فوٹو بشکریہ سوشل میڈیا
بلوچستان سے تعلق رکھنے والی سینئر گائناکالوجسٹ، پروفیسر ڈاکٹر عائشہ صدیقہ کو ’انٹرنیشنل فیڈریشن آف گائناکالوجی اینڈ آبسٹیٹرکس‘ （فیگو） کے انتخابات میں ٹرسٹی کے عہدے کے لیے منتخب کر لیا گیا۔
فیگو کے ٹرسٹی کے عہدے پر فائز ہونے والی ڈاکٹر عائشہ صدیقہ پاکستان کی تاریخ کی پہلی خاتون بن گئی ہیں۔
ڈاکٹر عائشہ صدیقہ کو حال ہی میں فیگو ویمنز ایوارڈ 2025ء سے بھی نوازا گیا تھا۔
یہ ایوارڈ طبی شعبے میں نمایاں کارکردگی اور خدمات کے اعتراف میں دیا جاتا ہے۔
ڈاکٹر عائشہ کا کہنا ہے کہ انٹرنیشنل فیڈریشن آف گائناکالوجی اینڈ آبسٹیٹرکس کی جنرل اسمبلی کی رکنیت حاصل ہونا میرے لیے اعزاز کی بات ہے، یہ اعزاز صرف میرا نہیں بلکہ بلوچستان سمیت پاکستانی میڈیکل کمیونٹی کے لیے بھی تاریخی کامیابی ہے۔
واضح رہے کہ فیگو دنیا بھر کی گائناکالوجی اور زچگی سے متعلق تنظیموں کا سب سے بڑا عالمی ادارہ ہے۔
فیگو کی جنرل اسمبلی میں 142 ممالک سے صرف 10نمایاں شخصیات کو شامل کیا جاتا ہے۔
ڈاکٹر عائشہ صدیقہ بولان میڈیکل یونیورسٹی میں پروفیسر اور اسپتال میں گائنی کے شعبے کی سربراہ رہ چکی ہیں۔ |
|
Post time