پنجاب کے شہر سرگودھا میں امریکا کے مشہور وائٹ ہاؤس سے مشابہت رکھنے والی ایک شاندار محل نما عمارت زیرِ تعمیر ہے، جو ہر کسی کی توجہ کا خاص مرکز بنی ہوئی ہے۔
فیصل آباد روڈ پر ایک ایکڑ رقبے پر تعمیر کی جانے والی یہ تین منزلہ رہائش گاہ اپنی طرزِ تعمیر اور دلکش ڈیزائن کے باعث دیکھنے والوں کو حیران کر رہی ہے، اس عمارت کا اندازِ تعمیر جدید فنِ تعمیر کی عکاسی کرتا ہے، جبکہ اس کی ساخت امریکی صدر کی سرکاری رہائش گاہ ’وائٹ ہاؤس‘ سے خاصی مماثلت رکھتی ہے۔
تفصیلات کے مطابق یہ منصوبہ گزشتہ چار برسوں سے جاری ہے، جس میں کشادہ کمرے، میٹنگ ہال، لفٹ اور گنبد نما چھت شامل ہیں جو اس کی شان و شوکت میں اضافہ کرتے ہیں، منصوبے کی تکمیل میں مزید ایک سال کا عرصہ درکار ہوگا۔
عمارت کے حسن میں اضافے کے لیے نایاب پودے اور آرائشی سامان ناصرف پاکستان کے مختلف شہروں بلکہ بیرونِ ملک سے بھی منگوایا جا رہا ہے تاکہ یہ رہائش گاہ اپنی انفرادیت اور خوبصورتی کے باعث نمایاں نظر آئے۔
وائٹ ہاؤس نے ٹک ٹاک پر اکاؤنٹ بنالیا
یہ امریکی انتظامیہ کا پہلا باضابطہ ٹک ٹاک اکاؤنٹ ہے
اس زیرِ تعمیر محل نے عوام میں خاصی دلچسپی پیدا کر دی ہے، شہری ناصرف اس کے ڈیزائن کی تعریف کر رہے ہیں بلکہ انجینئرز کی مہارت اور لگن کو بھی سراہا جا رہا ہے۔
واضح رہے کہ وائٹ ہاؤس امریکا کے صدر کی سرکاری رہائش گاہ اور دفتر ہے، جو واشنگٹن ڈی سی کے 1600 پنسلوانیا ایونیو پر واقع ہے، یہ عمارت 1800 سے اب تک ہر امریکی صدر کی رہائش گاہ رہی ہے۔
Post time 2025-10-20 15:21:18
تصاویر:سوشل میڈیا 
