فرانس: قیدی پوتے کی مدد کیلئے جیل جانے کی خاطر بوڑھے شخص نے سپر مارکیٹ لوٹ لی

slotcosino · Post time Yesterday 23:15

—فائل فوٹو

فرانس ایک شخص نے نوجوان قیدی پوتے کی مدد کے لیے جیل جانے کی شدید خواہش میں ایک مقامی سپر مارکیٹ میں بندوق کے زور پر ڈکیتی کی اور پھر صبر و سکون سے گرفتاری دے دی۔

غیر ملکی میڈیا کے مطابق یہ انوکھا واقعہ ستمبر کے آخر میں گواڈیلوپ کے شمالی علاقے سینٹ روز میں پیش آیا جہاں 60 سالہ سابق فائر فائٹر جس کا کوئی مجرمانہ ریکارڈ نہیں تھا، وہ منہ پر نقاب پہنے، ہاتھ میں اسلحہ لیے سپر مارکیٹ میں داخل ہوا، جو مقامی پولیس اسٹیشن کے بالکل قریب تھی۔

اس نے کیش رجسٹر میں موجود سارا پیسہ مانگا اور ساتھ ہی پنیر اور ایک بوتل شراب بھی اٹھا لی۔

پھر وہ آہستہ آہستہ اپنی گاڑی کی طرف چل دیا جیسے وہ چاہتا ہو کہ پولیس اسے پکڑ لے، دراصل یہی اس کا مقصد تھا کہ وہ جیل جانا چاہتا تھا تاکہ وہاں قید اپنے پوتے کی مدد کر سکے اور وہ اس مقصد میں کامیاب بھی ہو گیا یعنی پکڑ لیا گیا۔

جوان شخص نے بوڑھی خاتون کے روپ میں بینک لوٹ لیا

امریکی ریاست جارجیا میں پولیس ایک ایسے شخص کی تلاش کر رہی ہے جس پر ایک بزرگ خاتون کا لباس پہن کر بینک لوٹنے کا شبہ ہے۔

اس کے وکیل لیہ لی شیویلیئر نے فرانسیسی میڈیا کو بتایا کہ وہ مایوس تھا، اسے پیسوں میں کوئی دلچسپی نہیں تھی اور وہ صرف جیل جانا چاہتا تھا تاکہ اپنے پوتے سے مل سکے اور کم از کم اس کے ساتھ کچھ وقت گزار سکے۔

انہوں نے مزید کہا کہ اس نے اپنے پوتے کو ملاقات کے کمرے میں دیکھا تھا جس کا ایک دانت ٹوٹا ہوا تھا کیونکہ اسے دوسرے قیدیوں نے تشدد کا نشانہ بنایا تھا۔

مقدمے میں 60 سالہ شخص پر مسلح ڈکیتی، پرتشدد حملے اور مزاحمت کے الزامات لگائے گئے، عدالت میں اس نے اپنے جرم کا اعتراف کر لیا، تاہم اس کا بالکل غیر معمولی کردار اور پس منظر جج اور سبھی لوگوں کے لیے حیران کن تھا۔

جج نے فیصلہ دیا کہ چونکہ اس نے یہ سب مایوسی اور محبت کے جذبے کے تحت کیا اس لیے اسے 3 سے 5 سال قید کی عام سزا نہیں دی جانی چاہیے۔

عدالتی فیصلے کے مطابق اس شخص کو سپر مارکیٹ کے متاثرین کو ہرجانہ ادا کرنا ہو گا، اپنا نفسیاتی علاج کرانا گا اور اس شاپنگ سینٹر کے قریب نہیں جانا ہو گا جسے اس نے لوٹا تھا، تاہم اب بغیر قیدی بنے اس کا قانونی طور پر اپنے پوتے سے ملاقات کا حق برقرار رہے گا۔

		Remember me	Forgot password?
Password			立即注册

فرانس: قیدی پوتے کی مدد کیلئے جیل جانے کی خاطر بوڑھے شخص نے سپر مارکیٹ لوٹ لی

Related threads