اگر سہ فریقی یا شٹل ڈپلومیسی میٹنگ کیلئے بلایا گیا تو بڈاپسٹ جاؤں گا: یوکرینی صدر

slotcosino · Post time 2025-10-20 20:33:31

یوکرینی صدر زیلنسکی—فائل فوٹو

یوکرینی صدر ولودومیر زیلنسکی نے کہا ہے کہ اگر سہ فریقی یا شٹل ڈپلومیسی میٹنگ کےلیے بلایا گیا تو بڈاپسٹ جاؤں گا۔

تاہم وہ بڈاپسٹ کو پیوٹن کے ساتھ ملاقات کے لیے بہترین مقام کے طور پر نہیں دیکھتے۔

غیرملکی میڈیا کے مطابق یوکرین کے صدر ولودومیر زیلنسکی نے کہا ہے کہ روسی صدر پیوٹن ڈونیٹسک اور لوہانسک ریجن پرمکمل قبضہ چاہتے ہیں اور ان علاقوں پر قبضے کے بعد وہ یہ دکھانا چاہتے ہیں کہ وہ جنگ جیت چکے ہیں۔

یوکرینی صدر نے بتایا کہ وہ اس ہفتے یورپی رہنماؤں سے ملیں گے جو یوکرین کی مکمل حمایت کرتے ہیں۔

ٹرمپ پیوٹن اور زیلنسکی سے ملنے کے لیے تیار ہیں، وائٹ ہاؤس

انہوں نے مزید کہا کہ ٹرمپ، پیوٹن ملاقات میں حائل بہت سی رکاوٹوں کو دور کرنا ہے۔

انہوں نے کہا کہ ٹرمپ پیوٹن سے ایک اور ملاقات کا موقع ملنے تک روس سے کشیدگی نہیں چاہتے، ہم وہیں کھڑے ہیں جیسے ہم پہلے فرنٹ لائن پر کھڑے تھے۔

یوکرینی صدر نے کہا کہ وہ بڈاپسٹ کو پیوٹن کے ساتھ ملاقات کے لیے بہترین مقام کے طور پر نہیں دیکھتے۔

زیلنسکی نے ہتھیاروں کی خریدو فروخت کے حوالے سے واضح کیا کہ اگر امریکا یوکرین کو میزائل دیتا ہے تو یوکرین امریکا کو ڈرون فراہم کرنے کو تیار ہے، جبکہ یوکرین 25 پیٹریاٹ ایئر ڈیفنس سسٹم خرید نے کے لیے امریکا سے معاہدے کی تیاری کر رہا ہے۔

یوکرین اور امریکا کے مابین ممکنہ معاشی تعاون کے بارے میں انہوں نے کہا کہ امریکی توانائی کمپنیاں یوکرین کی مارکیٹ میں داخل ہونا چاہتی ہیں جبکہ یوکرین امریکا کے تعاون سے بحیرہ اسود پر ایل این جی ٹرمینل بنانے پر غور کر رہا ہے۔

		Remember me	Forgot password?
Password			立即注册

اگر سہ فریقی یا شٹل ڈپلومیسی میٹنگ کیلئے بلایا گیا تو بڈاپسٹ جاؤں گا: یوکرینی صدر

Related threads

Viewed forums