پاکستان تحریک انصاف （پی ٹی آئی） کے رہنما شہرام خان تراکئی نے کہا ہے کہ وفاقی حکومت کو ہمارے ساتھ بیٹھ کر بات سننی چاہیے، سیلاب متاثرین کے مسئلہ پر ان کے ساتھ بیٹھنے کو بالکل تیار ہیں۔
جیو نیوز کے پروگرام کیپٹل ٹاک میں شہرام تراکئی، طارق فضل چوہدری اور ناصر حسین نے اہم ایشور پر گفتگو کی۔
طارق فضل چوہدری نے خیبر پختونخوا میں وزیراعلیٰ تبدیلی کی وجہ بتادی
وفاقی وزیر ڈاکٹر طارق فضل چوہدری نےخیبرپختونخوا میں وزیراعلیٰ کی تبدیلی کی وجہ بتادی۔
پی ٹی آئی رہنما نے کہا کہ خیبر پختونخوا دہشتگردی کیخلاف جنگ میں فرنٹ لائن پر ہے، وزیراعلیٰ سہیل آفریدی کو بتایا گیا کہ گاڑیوں میں خرابی ہے۔
انہوں نے کہا کہ سہیل آفریدی اپنے لیڈر سے ملنے گئے کیوں نہیں ملنے دیا گیا، وزیراعلیٰ نے بانی چیئرمین سے صوبائی کابینہ پر مشاورت کرنی ہے۔
محمود اچکزئی کو اپوزیشن لیڈر بنا دینا چاہیے، پیپلز پارٹی نے حمایت کردی
پاکستان پیپلز پارٹی （پی پی پی） نے محمود اچکزئی کو نیا اپوزیشن لیڈر بنانے کی حمایت کردی۔
شہرام تراکئی نے مزید کہا کہ سہیل آفریدی ینگ ہیں اور سنجیدہ سیاستدان کی طرح پیش آرہے ہیں، گاڑیوں میں کمی کا بتایا تو چاہیے تھا وہ کمی دور کی جاتی۔
اُن کا کہنا تھا کہ وفاقی حکومت کو ماحول بہتر کرنے کے لیے ایک قدم آگے آنا چاہیے، سہیل آفریدی کے آنے سے پہلے ہی تاثر بنایا گیا کہ وہ لڑیں گے۔
پی ٹی آئی رہنما نے یہ بھی کہا کہ وزیراعلیٰ کا واضح پیغام تھا کہ ہمارے لیے سب سے پہلے پاکستان ہے، سہیل آفریدی ینگ ہیں لیکن اب وہ ہمارے صوبے کے بڑے ہیں۔
انہوں نے کہا کہ حالات یہ ہیں کہ وزیراعظم اڈیالہ جیل سپرنٹنڈنٹ سے بھی زیادہ کمزور ہیں، بتایا جائے ہم خود کہاں کھڑے ہیں، ملک میں یہ کونسی جمہوریت اور سیاست ہے؟
Post time 2025-10-22 05:03:17
