معروف ہسپانوی اداکارہ اینا ڈی آرمس نے مشہور امریکی اداکار ٹام کروز کے ساتھ ڈیٹنگ کی افواہوں پر خاموشی توڑ دی۔
امریکی جریدے کی ایک رپورٹ کے مطابق ٹام کروز اور اینا ڈی آرمس ایک دوسرے کو ڈیٹ نہیں کر رہے۔
رپورٹ میں مزید بتایا گیا کہ فروری کے بعد سے متعدد بار ایک ساتھ دیکھے جانے کے باوجود دونوں اداکاروں کے درمیان صرف پیشہ ورانہ تعلق ہے۔
ٹام کروز کی اسپینش اداکارہ سے ڈیٹنگ کی افواہیں یا حقیقت؟
ان دنوں نامور ہالی ووڈ سپر اسٹار ٹام کروز اور اسپین کی اداکارہ اینا ڈی آرمس کے درمیان ڈیٹنگ کی افواہیں زیرِ گردش ہیں۔
رپورٹ کے مطابق اینا ڈی آرمس نے حال ہی میں ایک انٹرویو کے دوران ٹام کروز کو ڈیٹ کرنے کی خبروں کے بارے میں پوچھے گئے ایک سوال کا جواب دیتے ہوئے کہا کہ یہ بات تو سب ہی جانتے ہیں کہ میں ٹام کروز کے ساتھ کام کر رہی ہوں۔
اُنہوں نے مزید کہا کہ ہم دونوں اپنی ایکشن سے بھرپور فلم کی شوٹنگ مکمل کروانے کےلیے سخت ٹریننگ کر رہے ہیں اس لیے میڈیا نے سیٹ پر ہمارے ایک دوسرے کے ساتھ رویے کو غلط سمجھ لیا ہے۔
Post time 2025-10-22 19:21:16
— فائل فوٹو 
