|
|
 تصاویر:سوشل میڈیا
بیجنگ میں تاریخی دیوارِ چین کے تاریخی مقام بادالنگ پر پاکستان اور چین کا پہلا مشترکہ فیشن شو منعقد کیا گیا، جس نے دونوں ممالک کے ڈیزائنرز کو ایک پلیٹ فارم پر اکٹھا کر دیا۔
یہ شاندار تقریب پاکستانی سفارتخانے اور چائنا انٹرنیشنل کلچرل کمیونیکیشن سینٹر （CICCC） کے اشتراک سے منعقد ہوئی جبکہ شو کی نگرانی معروف پاکستانی فیشن پروڈیوسر عدنان انصاری نے کی۔ اس موقع پر چینی حکام، سفارتکاروں، کاروباری شخصیات اور میڈیا نمائندوں کی بڑی تعداد موجود تھی۔
پاکستانی ڈیزائنرز ماہین خان، معظم عباسی، عائشہ طارق، رضوان اللّٰہ اور زین ہاشمی نے اپنی کلیکشن پیش کیں جس میں پاکستان اور چین کے روایتی کپڑوں اور ثقافتی رنگوں کا حسین امتزاج دکھایا گیا۔
چینی ڈیزائنر لیانگ سو یون نے بھی اپنی کلیکشن متعارف کروائی، دونوں ممالک کے ماڈلز نے ریمپ پر جلوہ گر ہو کر فیشن شو کو ثقافتی ہم آہنگی کا حسین مظہر بنا دیا۔
CICCC کے چیئرمین لانگ یو شیانگ نے کہا کہ یہ تقریب صرف ثقافتی تبادلے تک محدود نہیں بلکہ پاک چین اسٹریٹجک پارٹنرشپ کی علامت ہے، اس شو نے دونوں ممالک کے تاریخی تعلقات اور فیشن انڈسٹری کے ذریعے تعلقات کے فروغ کی صلاحیت کو اُجاگر کیا۔ |
|
Post time 2025-10-23 18:06:21