قومی کرکٹ ٹیم کے کوچ اور سابق کھلاڑی اظہر محمود نے کہا ہے کہ ڈومیسٹک کرکٹ میں بھی اسپنرز کے لیے سازگار پِچز بنانی پڑیں گی، پاکستانی بیٹرز کو ڈومیسٹک کرکٹ کھیلنے کا زیادہ تجربہ نہیں ہے۔
اظہر محمود نے پریس کانفرنس کے دوران پاکستان کو جنوبی افریقہ کے ہاتھوں ملنے والی شکست پر اپنے خیالات کا اظہار کرتے ہوئے کہا کہ اسپنرز کو ڈومیسٹک کرکٹ میں بولنگ کرنے کا موقع ہی نہیں ملتا تھا، سلمان علی آغا کے ساتھ لوئر آرڈر نے اسکور نہیں کیا، پاکستان ٹیم نے کیچز ڈراپ کیے، اسٹیمپ چھوڑا۔
انہوں نے کہا کہ کوالٹی ٹیم کو موقع دیں گے تو جارحانہ جواب ملے گا، بیس وکٹیں لینا ضروری ہوتی ہیں، جنوبی افریقہ نے راولپنڈی ٹیسٹ میں اچھی بیٹنگ کی، متو سوامی نے اچھی بیٹنگ کی۔
پنڈی ٹیسٹ میں بولرز کے بعد بیٹرز بھی ناکام، پاکستان کو جنوبی افریقہ کے ہاتھوں شکست
راولپنڈی میں جنوبی افریقہ کے خلاف جاری دوسرے ٹیسٹ میچ کے چوتھے دن آج پاکستان اپنی دوسری اننگز 94 رنز 4 وکٹ سے آگے بڑھا رہا ہے.
اظہر محمود نے کہا کہ انٹرنیشنل کرکٹ میں دماغی طور پر مضبوط ہونا چاہیے، راولپنڈی ٹیسٹ کی پِچ نے ہر طرح کے بولرز کو مدد دی، جنوبی افریقہ کے پاس بولنگ میں کافی تجربہ ہے، پاکستان کو اسپنرز کے خلاف اچھی بیٹنگ کرنا سیکھنی ہو گی۔
Post time 2025-10-23 20:42:24
