|
|
فائل فوٹو
یوکرین کے صدر ولادیمیر زیلنسکی نے کہا ہے کہ روس کے خلاف پابندیوں کا 19واں پیکج ہمارے لیے نہایت اہمیت رکھتا ہے۔
انہوں نے اپنے ایک بیان میں کہا کہ امریکا اور اتحادی ممالک کی جانب سے روس پر عائد کی جانے والی نئی توانائی پابندیاں جنگ کے خاتمے کے لیے فیصلہ کن ثابت ہوسکتی ہیں۔
یوکرینی صدر کا کہنا تھا کہ روس پر مزید دباؤ ڈالنا جنگ بندی کے امکانات بڑھانے میں مددگار ہوگا، روس کے خلاف پابندیاں ناصرف یوکرین بلکہ عالمی امن کے لیے بھی ایک مثبت پیغام دیتی ہیں۔
زیلنسکی نے زور دیا کہ روس کو کسی قسم کی علاقائی رعایت نہیں دی جانی چاہیے کیونکہ اس سے جنگ بندی کے بجائے جارحیت کو تقویت ملے گی۔
انہوں نے مزید کہا کہ موجودہ حالات میں عالمی برادری کا متحد رہنا اور روس پر سخت اقدامات برقرار رکھنا ناگزیر ہے تاکہ یوکرین میں پائیدار امن قائم کیا جاسکے۔ |
|
Post time 2025-10-23 21:54:13