|
|
 — اسکرین گریب
امریکی صدر ڈونلڈ ٹرمپ نے رواں سال کا معزز ترین اعزاز نوبیل انعام برائے امن نہ جیتنے پر ردعمل ظاہر کردیا۔
امریکی صدر نے وائٹ ہاؤس سے خطاب کرتے ہوئے اس ناکامی پر ردعمل ظاہر کرتے ہوئے کہا کہ ماریا کورینا مچاڈو نے مجھے فون کرکے کہا کہ میں یہ انعام آپ کے اعزاز میں قبول کر رہی ہوں، کیونکہ آپ واقعی اس کے مستحق ہیں۔
ٹرمپ کا کہنا تھا ’یہ بہت اچھی بات ہے، مگر میں نے انہیں （ماریا کورینا مچاڈو کو） یہ نہیں کہا کہ یہ ایوارڈ مجھے دے دو۔ اگرچہ مجھے لگتا ہے کہ وہ شاید دے دے۔ میں نے اس کی متعدد مواقع پر مدد کی ہے۔ وینزویلا میں بدامنی و خراب حالات کے دوران انہیں بہت مدد کی ضرورت تھی۔‘
انہوں نے خطاب کرتے ہوئے کہا کہ میں خوش ہوں کیونکہ میں نے لاکھوں لوگوں کی جانیں بچائیں۔
یہ بھی پڑھیے
- نوبیل امن ایوارڈ ملنے پر ماریا کورینا مچاڈو نے کیا کہا؟
- ٹرمپ کو امن کا نوبیل انعام نہ دیے جانے پر وائٹ ہاؤس کی نوبیل کمیٹی پر تنقید
- امن کا نوبیل انعام وینزویلا کی خاتون کے نام
واضح رہے کہ گزشتہ روز نوبیل انعام برائے امن کا اعلان کیا گیا، یہ انعام امسال وینزویلا کی اپوزیشن لیڈر ماریا کورینا مچاڈو کے نام رہا، گوکہ امریکی صدر نے متعدد مواقع پر خود کو اس انعام کا حقدار قرار دیا تاہم وہ یہ اعزاز حاصل کرنے میں ناکام رہے۔
ماریہ کورینا مچاڈو کو وینزویلا کے عوام کے جمہوری حقوق کو فروغ دینے اور آمریت سے جمہوریت کی منصفانہ اور پُرامن منتقلی کے حصول کے لیے ان کی جدوجہد کے لیے 2025 کا نوبل امن انعام دیا گیا۔ |
|
Post time 2025-10-11 13:09:17