پاکستانی ڈرامہ انڈسٹری کی معروف اداکارہ، گلوکارہ اور میزبان حرا مانی ایک بار پھر سوشل میڈیا پر اپنی بولڈ تصاویر کے باعث شدید تنقید کی زد میں آگئیں۔
حرا مانی نے ڈراموں ’دو بول‘، ’کشف‘، ’سن یارا‘ اور ’میرے پاس تم ہو‘ جیسے مقبول پروجیکٹس میں اپنی اداکاری کے جوہر دکھائے۔ حالیہ دنوں میں ڈراموں ’سن میرے دل‘، ’ڈائن‘ اور ’شرپسند‘ میں نظر آرہی ہیں۔
گزشتہ کچھ عرصے سے حرا مانی اپنی روایتی امیج سے ہٹ کر بولڈ انداز اپنانے کے باعث توجہ کا مرکز بنی ہوئی ہیں، وہ اکثر اپنے ریولنگ ملبوسات میں تصاویر شیئر کرتی ہیں، جو سوشل میڈیا صارفین کے درمیان بحث چھیڑ دیتی ہیں۔
حال ہی میں انہوں نے فیروزی اور چاندی رنگ کی ریشمی و جالی دار ساڑھی زیب تن کی، جس کے ساتھ انہوں نے کڑھائی دار جیکٹ پہنی۔ جیسے ہی تصاویر وائرل ہوئیں، مداحوں کی جانب سے سخت ردِعمل سامنے آیا۔
حرا مانی کی بولڈ ساڑھی لک پر شدید تنقید، سوشل میڈیا پر ہنگامہ
حالیہ دنوں میں اُن کی مسلسل بولڈ تصاویر اور ویڈیوز سوشل میڈیا پر چھائی رہتی ہیں اور ہنگامہ برپا کرتی رہی ہیں
ایک صارف نے لکھا کہ ان کے بیٹے بڑے ہو رہے ہیں، وہ اپنی ماں کو اس طرح کیسے دیکھ سکتے ہیں؟ ایک اور نے کہا کہ یہ سب اس نظام کا حصہ ہے جس میں وہ کام کرتی ہیں، جبکہ ایک صارف نے طنزیہ انداز میں لکھا کہ باقی جسم ڈھانپنے کی ضرورت ہی کیا ہے؟ کچھ لوگوں نے یہ بھی کہا کہ ڈرامہ شرپسند میں ان کے کردار کو جو تنقید ملتی ہے، وہ ان کی ذاتی زندگی پر بھی صادق آتی ہے، ایک مداح نے تبصرہ کیا کہ حیرت ہے وہ اپنے بڑے ہوتے بیٹوں کے سامنے ایسے لباس کیسے پہن سکتی ہیں؟
Post time 2025-10-29 18:57:05
تصاویر بشکریہ حرا مانی/ انسٹاگرام 
