پاک، افغان تجارت معطلی سے قبل 363 درآمدی گاڑیاں کلیئر کی گئی تھیں، ایف بی آر

slotcosino · Post time 2025-10-29 20:15:11

فیڈرل بورڈ آف ریونیو （ایف بی آر） نے کہا ہے کہ پاکستان اور افغانستان کی دو طرفہ تجارت سیکیورٹی خدشات کے باعث عارضی طور پر معطل ہے۔

ایف بی آر اعلامیے میں کہا گیا کہ تجارت معطل ہونے سے قبل کسٹمز حکام نے طورخم، غلام خان، خرلاچی اور انگور اڈہ بارڈر کراسنگ پر درآمدی گاڑیوں کی کلیئرنس کرلی تھی۔

پاک افغان سرحد آج بھی بند، 400 ٹرکوں کا سامان خراب ہوچکا

پاک افغان جنگ بندی کے بعد آج بھی بارڈر دو طرفہ تجارت اور پیدل آمد و رفت کےلیے بند رہا۔

اعلامیے میں کہا گیا کہ تجارت معطل ہونے سے قبل مجموعی طور پر 363 درآمدی گاڑیوں کی کلیئرنس کی گئی تھی، طورخم پر 23 درآمدی گاڑیاں کلیئرنس کی منتظر ہیں، جن کے درآمد کنندگان نے تاحال گڈز ڈکلیئریشن جمع نہیں کرائی۔

اعلامیے میں یہ بھی کہا گیا کہ ان گاڑیوں میں کپڑا، پینٹ، مونگ پھلی اور دالوں جیسی خراب نہ ہونے والی اشیا ہیں، درآمد کنندگان کی جانب سے گڈز ڈکلیئریشن جمع کرانے کے فوراً بعد کسٹمز حکام کلیئرنس مکمل کرلیں گے۔

ایف بی آر اعلامیے میں کہا گیا کہ سرحد کی بندش کے باعث برآمدی سامان والی 255 گاڑیاں طورخم ٹرمینل کے اندر کھڑی ہیں، تقریباً 200 گاڑیاں جمرود لنڈی کوتل روڈ پر پھنسی ہوئی ہیں۔

اعلامیے میں کہا گیا کہ غلام خان، خرلاچی اور انگور اڈہ بارڈر اسٹیشنز پر کوئی درآمدی گاڑی کلیئرنس کی منتظر نہیں، چمن بارڈر کسٹمز اسٹیشن پر 15 اکتوبر 2025 سے کسٹمز کلیئرنس آپریشنز معطل ہیں۔

ایف بی آر اعلامیے کے مطابق چمن میں 5 درآمدی اور 23 برآمدی گاڑیاں پروسیسنگ کی منتظر ہیں، ان گاڑیوں کے مالکان نے اپنی کنسائمنٹ واپس لے جانے سے انکار کردیا ہے۔

اعلامیے میں کہا گیاکہ یہ مالکان سرحد دوبارہ کھلنے اور تجارت بحال ہونے کے منتظر ہیں، اس وقت ٹرانزٹ کھیپ کی تقریباً 495 گاڑیاں طورخم اور چمن پر سرحد پار کرنے کی منتظر ہیں۔

ایف بی آر اعلامیے میں کہا گیا کہ سرحدی مقامات پر کسٹمز عملہ موجود ہے، سرحد کھلنے، صورتحال معمول پر آنے پر کلیئرنس کا عمل بحال کردیا جائے گا۔

		Remember me	Forgot password?
Password			立即注册

پاک، افغان تجارت معطلی سے قبل 363 درآمدی گاڑیاں کلیئر کی گئی تھیں، ایف بی آر

Related threads