انسان کو اس جگہ کی عزت کرنی چاہیے جہاں اسے عزت، دولت، شہرت ملی ہو: مشی کی صبا پر تنقید

slotcosino · Post time 2025-10-30 16:29:58

— فائل فوٹو

پاکستانی شوبز انڈسٹری سے منسلک معروف اداکارہ و میزبان مشی خان نے نامور اداکارہ صبا قمر کو کراچی سے متعلق ان کے بیان پر آڑے ہاتھوں لے لیا۔

فوٹوز اینڈ ویڈیوز شیئرنگ پلیٹ فارم انسٹاگرام پر ویڈیو بیان جاری کرتے ہوئے انہوں نے صبا قمر کو کراچی کے لیے ’استغفر اللّٰہ‘ کے الفاظ استعمال کرنے پر کھری کھری سنا دی۔

انہوں نے کہا، ’’مجھے بہت دکھ ہوا جب صبا قمر نے کراچی کا نام سنتے ہی بلاجھجک ’استغفر اللّٰہ‘ کہا، جو مجھے اچھا نہیں لگا۔ کراچی میرا آبائی شہر ہے، یہ وہی شہر ہے جہاں لاہور کے فنکاروں کو نام ملا، شہرت ملی، عزت ملی، ان کے ہنر کو دنیا میں پہچان ملی۔ کراچی آکر خوب پیسہ بھی کمایا، یہاں رہتے بھی ہیں۔‘‘

ان کا کہنا تھا کہ ’صبا آپ نے کراچی کے چینلز سے زیادہ کام کیا، آپ نے بھارت میں بھی کام کیا ہے۔ کیا آپ نے وہاں کسی کو سنا کہ کوئی ممبئی کی برائی کر رہا ہے؟ ممبئی میں بھی بہت سے مسائل ہیں، چھوٹے چھوٹے گھر ہیں، جہاں ہوا بھی نہیں آتی، لیکن کبھی کسی فنکار نے ممبئی کے بارے میں ایسا نہیں کہا کیونکہ وہ مختلف جگہوں سے ممبئی آکر اپنا نام بناتے ہیں۔‘

مشی خان کا کہنا تھا کہ ’آپ ایک اچھے مقام پر ہیں، اتنا اچھا کام بھی کر رہی ہیں، آپ کا کراچی کے بارے میں اس طرح کہنا اچھا نہیں لگا۔ یہاں آکر جاب کرتے ہیں، کیریئر بناتے ہیں اور پھر اسی شہر کو برا کہتے ہیں یہ نامناسب ہے۔‘

صبا قمر کے کراچی سے متعلق بیان پر مداح برہم

صبا قمر نے نجی ٹی وی کے پوڈ کاسٹ میں شرکت کے دوران کراچی سے اپنی ناپسندیدگی کا اظہار کیا تھا۔

اداکارہ کا کہنا ہے کہ بے شک آپ کو کراچی اچھا نہیں لگا تو آپ کو مختلف انداز میں اسے بیان کرنا چاہیے تھا، بہتر الفاظ کا استعمال کرنا چاہیے تھا۔ ہم سب کراچی سے ہیں، ہمیں بہت برا محسوس ہوا جس طرح آپ نے ’استغفر اللّٰہ‘ کہا۔ انسان کو اس جگہ کی ہمیشہ قدر و عزت کرنی چاہیے جہاں آپ نے عزت، دولت، شہرت سب کچھ حاصل کیا ہو۔

انہوں نے یہ بھی کہا کہ آپ بہت اچھا کام کر رہی ہیں، الفاظ کا چناؤ بہت ضروری ہوتا ہے کسی بھی شہر کے لیے، پاکستان کے تمام شہر بہت اچھے ہیں۔ انہی شہروں سے پاکستان بنا ہے۔

		Remember me	Forgot password?
Password			立即注册

انسان کو اس جگہ کی عزت کرنی چاہیے جہاں اسے عزت، دولت، شہرت ملی ہو: مشی کی صبا پر تنقید

Related threads