|
|
فوٹو بشکریہ بین الاقوامی میڈیا
میکسکو کے شہر اُروپان میں میئر کارلوس مانزو کے قتل کے بعد مشتعل مظاہرین نے سرکاری عمارت پر دھاوا بول دیا۔
مقامی میڈیا کے مطابق اروپان کی مشتعل عوام نے احتجاج کے دوران سرکاری عمارت کی کھڑکیاں توڑ دیں اور عمارت کو نقصان بھی پہنچایا، مظاہرین نے گورنر الفریڈو رامیرز بیڈولا سے مستعفی ہونے کا مطالبہ کیا ہے۔
مقامی میڈیا کا کہنا ہے کہ پولیس نے مظاہرین کو منتشر کرنے کے لیے آنسو گیس کی شیلنگ کی اور متعدد افراد کو حراست میں لے لیا۔
واضح رہے کہ گزشتہ ہفتے اروپان شہر کے میئر کارلوس مانزو کو تقریب کے دوران فائرنگ کر کے قتل کر دیا گیا تھا، حملہ آور موقع پر ہلاک جبکہ دو مشتبہ افراد کو گرفتار کر لیا گیا تھا۔
خبر ایجنسی کے مطابق میئر مانزو منشیات کے گروہوں کے خلاف سخت مؤقف رکھتے تھے اور کارٹل مافیا کے خلاف کارروائی کے حامی سمجھے جاتے تھے۔ |
|
Post time 2025-11-4 00:24:16