نائجیریا کی وزارتِ خارجہ کے ترجمان کیمیبی امومتیمی نے کہا ہے کہ وہ عیسائیوں کے قتل کے حوالے سے امریکی صدر کا بیان مسترد کرتے ہیں۔
غیر ملکی میڈیا کے مطابق نائجیریا کی وزارت خارجہ کے ترجمان کیمیبی امومتیمی نے کہا ہے کہ ان کا ملک امریکا سے ملنے والے کسی بھی ممکنہ تعاون کا خیر مقدم کرے گا تاہم وہ مسیحی شہریوں کے قتل عام کے حوالے سے امریکی صدر ٹرمپ کے بیان کو مسترد کرتے ہیں۔
نائیجریا کے وزارتِ خارجہ کے ترجمان نے مزید کہا کہ وہ نہیں سمجھتے کہ ملک میں سیکیورٹی کی صورتحال بہتر ہے، تاہم وہ اس بیان کو مسترد کرتے ہیں کہ مسیحی آبادی کی کوئی نسل کشی کی جارہی ہے۔
حماس کی جانب سے 3 یرغمالیوں کی لاشیں واپس کرنے پرخوشی ہوئی: امریکی صدر
امریکی صدر ٹرمپ نے کہا ہے کہ حماس کی جانب سے 3 یرغمالیوں کی لاشیں واپس کرنے پرخوشی ہوئی۔
قبل ازیں امریکی صدر ٹرمپ نے نائجیریا پر الزام عائد کیا تھا کہ وہاں بوکو حرام اور القاعدہ سے منسلک دہشت گرد گروپ عیسائیوں کا قتل عام کر رہے ہیں اور اس کو روکنے کے لیے انہوں نے محکمہ جنگ کو نائجیریا میں قتل و غارت روکنے کے لیے تیار رہنے کا کہا تھا۔
Post time 2025-11-4 01:03:16
