|
|
 ترک وزیر خارجہ حاقان فیدان（تصویر سوشل میڈیا）۔
ترکیہ کے وزیر خارجہ حاقان فیدان نے کہا کہ اسرائیل کو غزہ کی پٹی میں فوجی حملے روکنے ہوں گے۔
عرب میڈیا کے مطابق استنبول میں پریس کانفرنس سے خطاب کرتے ہوئے ترک وزیر خارجہ نے کہا کہ اسرائیل غزہ جنگ بندی معاہدے کی مسلسل خلاف ورزی کر رہا ہے۔
یہ بھی پڑھیے
- فلسطینی قیدی پر تشدد کی ویڈیو لیک کرنے والی سابق اسرائیلی پراسیکیوٹر گرفتار
- اسرائیل غزہ میں امداد کے صرف ایک حصے کی ترسیل کی اجازت دے رہا ہے: اقوامِ متحدہ
- غزہ امن معاہدے کے بعد اسرائیل کی 194 بار جنگ بندی کی خلاف ورزی
انھوں نے کہا کہ اسرائیل امدادی سامان کے ٹرکوں کو غزہ میں داخلے سے روک رہا ہے، حماس غزہ کی پٹی کا انتظام فلسطینی کمیٹی کے حوالے کرنے پر تیار ہے۔
ترک وزیر خارجہ حاقان فیدان نے کہا کہ عرب اسلامی وزرائے خارجہ اجلاس میں غزہ میں بین الاقوامی فوج کی تعیناتی زیر بحث آئی، اجلاس میں غزہ کی تعمیر نو پر تبادلہ خیال کیا گیا۔
انھوں نے کہا کہ غزہ میں بین الاقوامی فورسز کی تعیناتی کے لیے متفقہ فریم ورک تیار کرنا چاہیے۔ اجلاس میں غزہ کا انتظام فلسطینیوں کے حوالے کرنے کی حمایت کی گئی ہے۔ |
|
Post time 2025-11-4 02:27:12