پاکستان کی معروف اداکارہ ماہرہ خان کو بالی ووڈ اسٹار شاہ رخ خان کی سالگرہ پر نیک خواہشات بھیجنے پر سوشل میڈیا صارفین کی جانب سے شدید ردِعمل کا سامنا کرنا پڑا۔
ماہرہ خان پاکستان کی سب سے بڑی اداکاراؤں میں شمار کی جاتی ہیں، انہوں نے اپنے کیریئر کا آغاز بطور وی جے کیا اور بعدازاں اداکاری کی دنیا میں قدم رکھا، وہ ان چند فنکاروں میں سے ہیں جنہوں نے ٹی وی اور فلم دونوں میدانوں میں بھرپور کامیابی حاصل کی، ماہرہ نے پاکستان کے ساتھ ساتھ بھارت میں بھی کام کیا اور بالی ووڈ فلم رئیس میں شاہ رخ خان کے مدمقابل کردار ادا کیا۔
اگرچہ فلم کی ریلیز کے وقت پاک بھارت تعلقات کشیدہ تھے اور ماہرہ کو بھارت میں فلم کی تشہیر کا موقع نہ مل سکا، تاہم اداکارہ ہمیشہ سے شاہ رخ خان کی مداح رہی ہیں اور کئی مواقع پر ان کے فن کی تعریف کر چکی ہیں۔
شاہ رخ خان کی سالگرہ کے موقع پر ماہرہ خان نے ایک بار پھر انسٹاگرام پر ان کے لیے نیک خواہشات کا اظہار کیا، اداکارہ نے لکھا کہ میں شاہ رخ خان کی نمبر ون فین ہوں اور ہمیشہ اپنے پسندیدہ شخص کے لیے یہی کہوں گی۔
تاہم ان کا یہ پیغام سوشل میڈیا صارفین کو پسند نہ آیا، حالیہ دنوں میں پاکستان اور بھارت کے درمیان کشیدہ حالات اور فنکاروں کے قومی مؤقف کے باعث ماہرہ خان کو تنقید کا سامنا کرنا پڑا۔
شاہ رخ خان سے متعلق سوال پر ماہرہ خان کا عقلمندانہ جواب صارفین کو بھا گیا
عید الاضحٰی پر فلم ’لو گرو‘ کے ساتھ بڑی اسکرین پر جلوہ گر ہونے والی پاکستانی اداکارہ ماہرہ خان نے شاہ رخ خان سے متعلق سوال کا ذہانت سے جواب دے کر سب کے دل جیت لیے۔
سوشل میڈیا پر ماہرہ خان کے اس پیغام نے ایک بار پھر پاک بھارت تعلقات کے تناظر میں فنکاروں کی آزادیِ اظہار پر بحث چھیڑ دی ہے۔
کئی صارفین نے ان کے جذبے کو کرنج （cringe） قرار دیتے ہوئے کہا کہ کیا آپ کو شاہ رخ خان نے جواب دیا؟ جبکہ ایک صارف نے طنزیہ انداز میں لکھا ہمارے اسٹارز کو کب شرم آئے گی؟
دوسری جانب ماہرہ خان کے مداحوں نے ان کا دفاع کرتے ہوئے کہا کہ محبت اور احترام کی کوئی سرحد نہیں ہوتی اور شاہ رخ خان کی سالگرہ پر نیک خواہشات دینا کسی جرم کے مترادف نہیں۔
Post time 2025-11-4 17:23:55
فائل فوٹو 
