|
|
 —فائل فوٹو
مقبوضہ کشمیر میں کرکٹ کے نام پر انٹرنیشنل کھلاڑیوں کے ساتھ فراڈ کا انکشاف ہوا ہے۔
میڈیا رپورٹ کے مطابق انڈین ہیون پریمیئر لیگ کے نام سے ٹورنامنٹ میں بین الاقوامی کھلاڑیوں کو مدعو کیا گیا۔
ٹورنامنٹ کی انتظامیہ اور لیگ کے مالکان پیسے دیے بغیر راتوں رات غائب ہوگئے۔
آسٹریلیا کے شان مارش اور بنگلادیش کے شکیب الحسن نے مدعو کرنے کے باوجود ٹورنامنٹ میں شرکت سے انکار کردیا تھا اور کھلاڑیوں کو پیسوں کی ادائیگی نہ ہونے کی وجہ سے ٹورنامنٹ ملتوی کرنا پڑ گیا۔
اس سے قبل مقبوضہ کشمیر کے بخشی اسٹیڈیم میں پہلے چند میچز کے انعقاد کے بعد حالات خراب ہوئے، ویسٹ انڈیز کے کرس گیل پیسے نہ ملنے پر ٹورنامنٹ درمیان میں چھوڑ کر چلے گئے تھے۔
میڈیا رپورٹ کے مطابق پولیس نے معاملے کی تحقیقات کا آغاز کردیا ہے، انڈین ہیون پریمیئر لیگ 25 اکتوبر سے 8 نومبر تک کھیلی جانی تھی۔ |
|
Post time 2025-11-5 18:45:21