پی ٹی آئی وفد کی گورنر خیبر پختونخوا سے ملاقات، وزیرِ اعلیٰ کے انتخابات میں تعاون مانگ لیا

slotcosino · Post time 2025-10-12 22:57:16

پی ٹی آئی رہنما اسد قیصر اور گورنر خیبر پختون خوا فیصل کریم کنڈی—فائل فوٹو

پاکستان تحریکِ انصاف （پی ٹی آئی） کا پارلیمانی وفد اسلام آباد میں گورنر خیبر پختون خوا فیصل کریم کنڈی کی رہائش گاہ پہنچ گیا۔

اس موقع پر وفد نے وزیرِ اعلیٰ کے انتخابات میں پیپلز پارٹی سے تعاون مانگ لیا۔

پی ٹی آئی کے وفد میں اسد قیصر، عاطف خان، علی اصغر، جنید اکبر، ڈاکٹر امجد خان شامل تھے، ملاقات میں پیپلز پارٹی کے صوبائی صدر محمد علی شاہ باچا بھی شریک تھے۔

تحریکِ انصاف کے وفد نے گورنر فیصل کریم کنڈی سےخیبر پختون خوا کے وزیرِ اعلیٰ کے انتخاب سے متعلق گفتگو کرتے ہوئے کہا کہ پیپلز پارٹی نے ہمیشہ جمہوری روایات کی پاسداری کی ہے۔

وفد نے کہا کہ وزیرِ اعلیٰ کے انتخابات میں بھی پیپلز پارٹی سے تعاون درکار ہے۔

پی ٹی آئی کی جے یو آئی سے نئے وزیر اعلیٰ کے انتخاب میں حمایت کی درخواست

جے یو آئی رہنما نے کہا کہ نئے وزیر اعلیٰ کے انتخاب سے متعلق مرکزی قیادت کو پی ٹی آئی کا پیغام پہنچائیں گے، مرکزی قیادت پی ٹی آئی کے پیغام سے متعلق فیصلہ کرے گی۔

گورنر خیبر پختون خوا نے کہا کہ علی امین گنڈاپور کے استعفے کی منظوری میں آئین و قانون کی مکمل پاسداری کروں گا، اپوزیشن جماعتوں سے مشاورت کے ساتھ صوبے کی ترقی کے لیے آگے بڑھا جا سکتا ہے۔

فیصل کریم کنڈی نے کہا کہ صوبے میں پائیدار امن اور عوام کو سہولتوں کی فراہمی کے لیے مل کر کردار ادا کرنا ہو گا، پیپلز پارٹی جمہوری روایات اور جمہوریت کی مضبوطی کی علم بردار جماعت ہے۔

خیال رہے کہ خیبر پختون خوا اسمبلی میں وزیرِ اعلیٰ کے انتخاب کے لیے 4 امیدواروں کے کاغذاتِ نامزدگی منظور کر لیے گئے۔

صوبائی حکومت نے طے کیا ہے کہ یہ انتخاب پیر کے روز ہو گا، حکومتی امیدوار سہیل آفریدی، جے یو آئی ف کے امید وار مولانا لطف الرحمٰن، مسلم لیگ ن کی طرف سے سردار شاہ جہان یوسف اور پیپلز پارٹی کے امیدوار ارباب زرک خان نے کاغذاتِ نامزدگی جمع کرائے ہیں۔

اپوزیشن لیڈر ڈاکٹر عباد اللّٰہ کے مطابق نئے قائد ایوان کے انتخاب کے لیے اپوزیشن متفقہ امیدوار میدان میں اتار کر باقی کاغذات واپس کیے جائیں گے۔

جے یو آئی ف کے پارلیمانی لیڈر لطف الرحمٰن اور اپوزیشن لیڈر ڈاکٹر عباد اللّٰہ نے کہا ہے کہ جب ایک وزیر اعلیٰ کا استعفیٰ منظور نہیں ہوا ہو تو دوسرے وزیر اعلیٰ کے لیے الیکشن کے خلاف کوئی بھی عدالت سے رجوع کر سکتا ہے۔

		Remember me	Forgot password?
Password			立即注册

پی ٹی آئی وفد کی گورنر خیبر پختونخوا سے ملاقات، وزیرِ اعلیٰ کے انتخابات میں تعاون مانگ لیا

Related threads

Viewed forums