|
|
 فائل فوٹو
سابق ٹیسٹ کرکٹر وہاب ریاض کو پاکستان ویمن کرکٹ ٹیم کا کنسلٹنٹ مقرر کردیا گیا۔
ذرائع کے مطابق وہاب ریاض وقتی طور پر پاکستان ویمن کرکٹ ٹیم کے معاملات دیکھیں گے، وہ چند ہفتوں سے ویمن کرکٹ ڈیپارٹمنٹ کے ساتھ منسلک ہیں اور ڈائریکٹر ویمن کرکٹ کے ساتھ مل کر مستقبل کے پلانز ترتیب دے رہے ہیں۔
یاد رہے کہ محمد وسیم کے عہدے کی مدت ختم ہونے کے بعد ویمن ہیڈ کوچ کا عہدہ بھی خالی ہے۔
ذرائع کا مزید کہنا ہے کہ پاکستان ویمن ٹیم کے سپورٹ اسٹاف میں بھی تبدیلیاں کی جارہی ہیں، اس حوالے سے سابق ٹیسٹ کرکٹر عمران فرحت کا ویمن ٹیم کے سپورٹ اسٹاف میں شامل ہونے کا امکان ہے۔
ذرائع کے مطابق پاکستان کرکٹ بورڈ جلد پاکستان ویمن ٹیم کے ہیڈ کوچ اور سپورٹ اسٹاف کا اعلان کرے گا۔ |
|
Post time 2025-11-7 20:09:28