|
|
پاکستان کے ٹاپ پروفیشنل گالفر احمد علی بیگ نے ایشین ٹور کے سنگاپور اوپن کے ابتدائی 2 راونڈز میں شاندار پرفارمنس کا مظاہرہ کر کے کٹ حاصل کرتے ہوئے حتمی راونڈز کے لیے کوالیفائی کر لیا۔
دو ملین امریکی ڈالرز کی انعامی رقم والے اس ایونٹ میں احمد علی بیگ نے ابتدائی دو روز کے دوران پُراعتماد کھیل پیش کیا۔
انہوں نے پہلے راؤنڈ میں 4 انڈر پار 68 اور دوسرے راؤنڈ میں 1 انڈر پار 71 کا اسکور کیا جس کے ساتھ ان کا مجموعی اسکور 5 انڈر پار رہا۔
اس طرح انہوں نے کٹ لائن میں رہتے ہوئے ویک اینڈ پر ہونے والے حتمی 2 راونڈز کے لیے کوالیفائی کرلیا۔
احمد علی بیگ 2 راؤنڈز کے بعد 144 گالفرز میں سے 50 ویں پوزیشن پر رہے، اس ایونٹ میں کٹ آف اسکور 4 انڈر پار مقرر تھا۔
جمعے کو ایونٹ کے دوسرے راؤنڈ میں احمد علی بیگ نے 4 برڈیز کھیلیں، تاہم ایک موقع پر ڈبل بوگی نے ان کی کارکردگی پر معمولی اثر ڈالا تاہم اس کے باوجود انہوں نے بہترین فوکس اور مستقل مزاجی کا مظاہرہ کیا اور کٹ آف لائن کے اندر رہنے میں کامیاب رہے۔ |
|
Post time 2025-11-8 01:21:27