امریکی گلوکارہ ٹیلر سوئفٹ اور اداکارہ و گلوکارہ سبرینا کارپینٹر کی نیویارک میں گرلز نائٹ آؤٹ ایک وائرل میم میں بدل گئی۔
جمعہ کی شام دونوں کو سوہو کے دی کارنر اسٹور میں جاتے ہوئے دیکھا گیا، جہاں ان کی دوستی اور انداز فوراً سوشل میڈیا پر چھا گیا، سوئفٹ نے اپنے قد کو نمایاں کرنے کے لیے ریڈ گوچی پلیٹ فارم ہیلز پہنیں، جبکہ تقریباً 5 فٹ قد کی کارپینٹر نے سادہ انداز اپنایا۔
یہ غیر رسمی گرلز نائٹ آؤٹ فوراً ہی ایک میم بن گئی، جس میں مداحوں نے مزاحیہ طور پر انہیں لوفٹی کوئن اور اس کا چھوٹا سائیڈ کِک قرار دیا، سوشل میڈیا پر صارفین نے دلچسپ کیپشنز بھی شیئر کیے۔
کئی صارفین نے کارپینٹر کے پُراعتماد انداز اور سوئفٹ کی بولڈ ہیلز کی تعریف بھی کی۔
ٹیلر سوئفٹ پر اے آئی ویڈیوز کے استعمال کا الزام
امریکی پاپ اسٹار ٹیلر سوئفٹ کے نئے البم The Life of a Showgirl کی تشہیری مہم غیر متوقع تنازعے کا شکار ہوگئی
اگرچہ زیادہ تر تبصرے قد کے فرق پر مرکوز تھے، مگر ردعمل مختلف رہا، کچھ مداح اس مزاحیہ فرق کو حقیقی زندگی میں لمبے اور چھوٹے دوستوں کے جوڑے جیسا دیکھ کر خوش ہوئے، جبکہ کچھ نے اس پر تنقید بھی کی۔
ایک تصویر میں سوئفٹ نے سبرینا کارپینٹر کے سر پر ہاتھ رکھا ہوا تھا، جس نے سوشل میڈیا پر قد کے فرق پر بحث کو جنم دیا۔
واضح رہے کہ ان دنوں سوئفٹ اپنے نئے البم کو پروموٹ کر رہی ہیں، جبکہ کارپینٹر اپنے گرامی نامزدگی کے لمحات سے لطف اندوز ہو رہی ہیں۔
Post time 2025-11-9 17:00:13
