بالی ووڈ اداکارہ انوشکا شرما تقریباً 7 برس بعد فلمی دنیا میں لوٹنے کو تیار ہیں، تاہم اس بار وہ سینما اسکرین پر نہیں بلکہ آن لائن اسٹریمنگ پلیٹ فارم نیٹ فلکس پر دکھائی دیں گی۔
غیرملکی میڈیا رپورٹس کے مطابق بھارتی ویمن کرکٹ ٹیم کی ورلڈ کپ میں کامیابی کے بعد اسپورٹس بائیوگرافیکل فلم ’چکڑا ایکسپریس‘ ایک بار پھر خبروں کی زینت بن گئی ہے، جس میں انوشکا شرما شامل ہیں۔
امکان ظاہر کیا جارہا ہے کہ جلد ہی نیٹ فلکس کی جانب سے فلم کو منظوری مل جائے گی۔
مداح فلم ’چکدا ایکسپریس‘ انوشکا کی جگہ بنگالن اداکارہ کیساتھ بنانے کے خواہشمند
ممبئی بولی وڈ اداکارہ انوشکا شرما کی بیٹی کی...
واضح رہے کہ فلم کی عکسبندی 2022 میں مکمل ہوچکی تھی لیکن پروڈکشن کمپنی اور نیٹ فلکس کے درمیان اختلافات کی وجہ سے فلم کی ریلیز روک دی گئی تھی۔
تاہم اب بھارتی ویمن کرکٹ ٹیم کی ورلڈ کپ میں کامیابی کے بعد امکان ظاہر کیا جارہا ہے کہ پروڈکشن کمپنی، نیٹ فلکس کو ایک بار پھر فلم کی ریلیز کے لیے آمادہ کرلے گی۔
میڈیا رپورٹس کے مطابق فلم پروڈیوسرز نے نیٹ فلکس انڈیا کے اعلیٰ حکام سے رابطہ کیا ہے۔
فلم ’چکڑا ایکسپریس‘ خواتین کے کرکٹ کیریئر کی کہانی ہے، جو سابق کپتان جھلن گوسوامی کی زندگی پر مبنی ہے، جو 2002 سے 2022 تک بھارتی کرکٹ ٹیم کا حصہ رہیں۔
واضح رہے کہ انوشکا شرما کی آخری فلم 2018 میں ریلیز ہونے والی ’زیرو‘ تھی، جس میں شاہ رخ خان بھی شامل تھے۔
Post time 2025-11-9 20:54:13
