دیپیکا پڈوکون نے میٹا اے آئی کی آواز بننے اور ایکسنٹ پر کی جانے والی تنقید پر کھل کر بات کی ہے۔
بالی ووڈ کی معروف اداکارہ دیپیکا پڈوکون نے حال ہی میں متعدد ممالک میں میٹا اے آئی کی نئی آواز بننے کا اعزاز حاصل کیا، سی این بی سی کے گلوبل لیڈرشپ سمٹ میں دیپیکا نے اپنے ابتدائی کیریئر میں آواز اور ایکسنٹ پر ہونے والی تنقید کے تجربات شیئر کیے۔
انہوں نے کہا کہ میں وہ ہوں جس کی آواز اور ایکسنٹ کو انڈسٹری میں قدم رکھنے پر مذاق کا نشانہ بنایا گیا اور اب اچانک میں میٹا اے آئی کی آواز بن گئی ہوں لیکن میں اس پر فخر کرتی ہوں، میرا خیال ہے شاید یہی وجہ ہے کہ یہ سب ممکن ہوا۔
اداکارہ دیپیکا پڈوکون بھارت میں مینٹل ہیلتھ ایمبیسیڈر مقرر
اداکارہ دپیکا پڈوکون کو وزارتِ صحت و خاندانی بہبود کی جانب سے ملک کی پہلی مینٹل ہیلتھ ایمبیسیڈر مقرر کیا گیا ہے۔
دیپیکا کا کہنا تھا کہ آواز پر تنقید سے لے کر جدید ٹیکنالوجی کی نمائندگی تک کا سفر میری مضبوط شخصیت اور اداکاری سے باہر اثر کو ظاہر کرتا ہے۔
اداکارہ نے تفریحی صنعت میں اے آئی کے کردار پر بھی روشنی ڈالی اور کہا کہ اگرچہ اے آئی حیرت انگیز امکانات فراہم کرتا ہے، لیکن یہ انسانی جذبات یا اداکار کی کارکردگی کی گہرائی کو دوبارہ تخلیق نہیں کر سکتا۔
دیپیکا نے مزید کہا کہ ایک چیز جس کا یقین ہے وہ یہ ہے کہ اے آئی انسان کے جذبات کی جگہ نہیں لے سکتا آپ اے آئی میں روح نہیں بھر سکتے۔
Post time 2025-11-10 20:57:29
فائل فوٹو 
